Грција не може самостојно да го реши проблемот со илјадниците мигранти што доаѓаат од Сирија и од Авганистан, а на владата ѝ е неопходна помош од ЕУ, изјави грчкиот премиер Алексис Ципрас.
– Сега е време ЕУ да покаже дека е солидарна или во неа секој ќе настојува да ја заштити својата граница – рече Ципрас.
Агенцијата на ОН за помош на бегалците претходно денеска соопшти дека грчката влада треба да ја преземе контролата и да го реши „хаосот“ на своите острови, на кои пристигнале илјадници мигранти.
Директорот на УНХЦР за Европа, Винсен Коштел, по посетата на грчките острови Лезбос, Кос и Киос, изјави дека членките на ЕУ, исто така, мора да направат повеќе за да го споделат товарот со Грција, каде само во јули пристигнаа 50.000 мигранти.
– Приливот на мигранти во Грција е поголем од тоа што нашата држава може да го поднесе – рече Ципрас.
