!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Централното претседателство на ДУИ денеска ќе донесе одлука


       
Тетово, 29 јануари, 2017 - 14:49 (META) 

Централното претседателство на ДУИ во проширен состав се собра во седиштето на партијата во Мала Речица и расправа по конкретни предлози за можна коалиција со ВМРО-ДПМНЕ за состав на влада.

Средбата почна околу 14 часот и пред нејзиниот почеток никој не даде изјава за текот на разговорите. Но, високи партиски извори на ДИУ брифираа дека „денеска без разлика на што и да е, ќе се донесе каква било одлука“.

Синоќа по завршувањето на средбата на членовите на ДУИ во седиштето во Мала Речица, лидерот Али Ахмети изјави дека нема одговор со кого ќе бидат во коалиција и ги анализираат сите опции за да ја донесат најдобрата одлука во корист на сите граѓани на Македонија.

Портпаролот на ДУИ, Бујар Османи, претходно изјави дека важно е одлуката да биде правилна, а не навремена.

На полноќ истекува рокот за мандатарот Никола Груевски да состави влада и дотогаш треба да го добие одговорот од првиот човек на ДУИ, Али Ахмети. дали партијата ќе коалицира со ВМРО-ДПМНЕ.