Податоците за инфлацијата заклучно со декември покажуваат дека годишното намалување на општото ниво на цените во домашната економија e во просек за 0,3 отсто, пишува во најновиот извештај на Народна банка.
– Во услови кога и цените на храната и базичната инфлација, во просек за целата година, бележат пораст, намалувањето на цените е последица на падот на цените на енергијата. Остварувањата се нешто под проекциите, а очекувањата за пониски светски цени на енергијата и на прехранбените производи, упатуваат на надолни ризици за проекцијата за инфлацијата за следниот период – пишува во извештајот на Народна банка.
Во него се додава и дека честите промени во очекувањата за цените на примарните производи упатуваат на значителна неизвесност околу идното движење на овие производи и голема можност за ненадејни промени кај овие категории.
