Тропската бура Нејт однесе најмалку 22 живота во Централна Америка, додека илјадници лица се раселени поради обилните врнежи, соопштија властите.
Бурата корне дрвја, а патиштата се претворени во реки.
Најмногу жртви има во Никарагва, каде 11 лица загинаа, а седум се водат како исчезнати според наводите на потпретседателката на државата, Росарио Мурилјо.
Таа додаде дека околу 800 лица се евакуирани, а 600 домови се поплавени, додека 14 заедници се изолирани поради дождот кој со денови не запира.
Властите на Костарика соопштија дека осум лица загинале во свлечиште и од паѓање на дрвја, меѓу кои и тригодишно девојче.
Најмалку 17 лица се водат како исчезнати.
Костарика прогласи вонредна состојба, а повеќе од 5.000 луѓе се наоѓаат во засолниште откако биле принудени да ги напуштат своите домови. Издадено е предупредување за можни заталкани крокодили.
Некои платформи за вадење нафта и гас во Мексиканскиот Залив исто така биле евакуирани во налетот на бурата.
Додека Нејт пристигне до Мексиканскиот Залив, се очекува да прерасне во ураган.
