Најмалку едно лице загина, а повеќе се повредени во трите напади што вечерва се извршени во Лондон, соопшти полицијата.
Засега не се знае дали инцидентите се поврзани, а на социјалните мрежи се појавија голем број снимки од полициски акции на Лондонскиот мост, како и во баровите и во рестораните. Една од снимките е направена во бар во близина на мостот, на која се гледа како полицијата упаѓа во локалот и бара присутните да легнат на земја.
—
Citizens being forced by #London police to walk down the streets with hands on their heads.GREAT BRITAIN'S NEW NORMAL#LondonBridge pic.twitter.com/5oSIYQSbkb
— ❌❌ Tim Cramer ❌❌ (@CramerSez) June 3, 2017
Првиот напад се случил на Лондонскиот мост, каде возач во бело комби прегазил пешаци, а потоа се пријавени инциденти во Бороу, каде лице напаѓало случајни минувачи со нож. Третиот инцидент, како што јавува полицијата, е во лондонскиот кварт Вокшол.
Полицијата наведува дека инцидентите на мостот и во Бороу веројатно се поврзани со тероризам, додека за третиот сè уште не е потврдено. Мостот е затворен за сообраќај во двете насоки.
Van drove into people on London Bridge, this is happening now. Really hope all are ok. We are in the middle of it. #londonbridge #london pic.twitter.com/FE0Oxi0YSD
— Lucuuzzzzz (@mlucs) June 3, 2017
„Би-би-си“ пренесува дека полицијата го уапсила возачот, но сè уште нема доволно информации. Според одредени медиуми, повредени се најмалку пет лица, а полицијата трага по три осомничени лица за кои се верува дека се вооружени.
Премиерката Тереза Меј е известена за ситуацијата и е во контакт со полициските органи. За вечераниот инцидент е информиран и американскиот претседател Доналд Трамп.
Инцидентите во Лондон се случуваат десетина дена по нападот во Манчестер, кога бомбаш самоубиец усмрти 22 лица на концерт на пејачката Аријана Гранде.
#London Bridge: Police respond to reports of car hitting pedestrians pic.twitter.com/UXljuCyk92
— Kevin W (@kwilli1046) June 3, 2017
