Голем пожар денеска избувнал во камп за сириски бегалци во Либан, во кој, според информациите на локалните медиуми, загинале три лица.
Кампот се наоѓа во долината Бека, во близина на градот Каб Елиас, недалеку од Бејрут.
На снимките што ги објавила либанската телевизија можела да се види најмалку една експлозија. Безбедносни извори изјавиле дека причините за пожарот се сè уште непознати.
Во Либан се наоѓаат најмалку еден милион регистрирани бегалци од Сирија, додека според владата, нивниот број најверојатно е околу 1,5 милиони лица.
