Третото прскањето против ларви од комарци ќе се реализира в сабота и в понеделник, известуваат од Градот Скопје.
Авионската дезинсекција на подрачјето на градот, како што се посочува во соопштението на институцијата, ќе се реализира в сабота од 6 до 12 часот и ќе бидат опфатени сите мочуришта, канали и водени површини во градот Скопје и во неговата околина, како и текот на реката Вардар.
Терестричната дезинсекција, пак, ќе се изврши в понеделник од 9 до 17 часот и ќе бидат опфатени сите водени површини во градот Скопје (канали, езера во Градски парк, езеро Треска и по текот на реката Вардар).
Градот Скопје ги предупредува пчеларите навремено да ги преземат потребните мерки за заштита на пчелите.