Синодот на Бугарската православна црква денеска ќе го разгледа писмото на МПЦ-ОА со кое таа бара да биде признаена како независна црква, а БПЦ да биде нејзина мајка црква.
Пред почетокот на седницата, бугарскиот патријарх Неофит изјави дека треба да се прифати подадената рака на МПЦ. Сепак, одлуката нема да биде донесена веднаш, туку ќе биде формирана комисија која ќе треба да ги информира другите православни цркви и да го слушне нивното мислење за барањето на МПЦ-ОА.
– Решението за Македонската православна црква (МПЦ-ОА) се бара толку многу години, затоа што е сложено и треба многу добро да се осмисли, а решението да се донесе со мнозинство и сите православни цркви да имаат јасна претстава за прашањето за автокефалноста, што не беше разгледувано на минатиот Сеправославен собор на Крит – рече патријархот Неофит.
