fbpx

„Трансмет“ не му дозволил на вештакот на СЈО да изврши увид во фирмата

-

На вештакот кој по барање на Специјалното јавно обвинителство за случајот „Труст“ требало да направи увид на механизацијата употребувана за ископ на јаглен и јаловина не му било дозволено да влезе во фирмата на обвинетиот бизнисмен Сеад Кочан – „Трансмет“.

Вештакот, кој сведочеше на денешното рочиште, рече дека доставил барање до „Трансмет“ за да изврши увид, на кое не му било одговорено.

Поради ова, додаде тој, извештајот го направил врз основа на документацијата од СЈО и преку имејл-комуникација со производителот.

Вештакот наведе дека од него се барало вештачење за да се утврди дали станува збор за мобилни или статични машини – дробилки.

Адвокатот на одбраната, Миле Петковски го праша вештакот дали има направено вештачења од геолошка и рударска област. Вештакот рече дека нема и додаде дека е специјализиран за сообраќајно и машинско вештачење, односно дека наредбата од СЈО била за вештачење на механизацијата, а не на суровини.

СЈО во случајот „Труст“ ги товари Кочан, Василие Авировиќ и Сафет Ватиќ, како и фирмите „Трансмет“, „Силекс неметали“ и „Вато“, дека со невистинити и фалсификувани документи добиле тендер на „Електрани на Македонија“ (ЕЛЕМ) вреден 17 милиони евра.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...