Претседателот на САД, Доналд Трамп, денеска повторно ги нападна медиумите, кои, според него, шират лажни вести и праша дали треба да им бидат одземени дозволите за работа.
„Со сите лажни вести кои доаѓаат од „Ен-би-си“ и од мрежите, кој момент е соодветен да им бидат оспорени лиценците? Лошо за земјата!“, напиша Трамп на „Твитер“.
With all of the Fake News coming out of NBC and the Networks, at what point is it appropriate to challenge their License? Bad for country!
— Donald J. Trump (@realDonaldTrump) October 11, 2017
„Ен-би-си“ претходно денеска пренесе дека Трамп сака за десет пати да го зголеми американскиот нуклеарен арсенал.
Трамп е во судир со повеќе медиуми во САД, а последен во низата е „Ен-би-си“, кој неодамна објави извештај за несогласувања меѓу претседателот на САД и американскиот државен секретар, Рекс Тилерсон.
