Соединетите Американски Држави би можеле да ја прекинат помошта за Палестинците, кои, „повеќе не сакаат да разговараат за мир“ порача американскиот претседател, Доналд Трамп, пренесува „Би-би-си“.
Трамп на „Твитер“ напиша дека, „САД не добиле ниту признание, ниту почит за помошта од стотици милиони долари што годишно им ја даваат на Палестинците.“
…peace treaty with Israel. We have taken Jerusalem, the toughest part of the negotiation, off the table, but Israel, for that, would have had to pay more. But with the Palestinians no longer willing to talk peace, why should we make any of these massive future payments to them?
— Donald J. Trump (@realDonaldTrump) January 2, 2018
Заканите на Трамп следуваат по острите реакции на Палестинците на неговата одлука да го признае Ерусалим за главен град на Израел.
Кратко време по објавувањето на одлуката на Вашингтон во декември, минатата година, палестинскиот претседател Махмуд Абас изјави дека нема да прифати никаков мировен план на САД за Блискиот исток.
Одлуката на Трамп, исто така, беше осудена и од Обединетите нации.
На 21 декември мнозинство од 128 земји-членки на Обединетите нации ја поддржаа резолуцијата со која се бара САД да ја повлечат одлуката за признавање на Ерусалим како главен град на Израел.
