Претседателот на САД, Доналд Трамп, предложи на медиумите кои, според него, најнеискрено го претставуваат, да им се додели трофеј за лажни вести.
„Треба да одржиме натпревар и да видиме која мрежа плус „Си-ен-ен“ и без „Фокс њуз“ е најнеискрена, најкорумпирана и која најмногу го извртува политичкото покривање на вашиот омилен претседател (јас). Сите се лоши. Победникот да добие трофеј за лажни вести“, објави Трамп на „Твитер.
We should have a contest as to which of the Networks, plus CNN and not including Fox, is the most dishonest, corrupt and/or distorted in its political coverage of your favorite President (me). They are all bad. Winner to receive the FAKE NEWS TROPHY!
— Donald J. Trump (@realDonaldTrump) November 27, 2017
Откако дојде на местото на претседател на САД, Трамп константно се жали за начинот на кој медиумите го претставуваат и особено ги критикуваше „Си-ен-ен“ и „Ен-би-си“, а особено ја фали „Фокс њуз“.
