Новоизбраниот претседател на САД, Доналд Трамп, го избра милионерот Стивен Мнучин за секретар за финансии во новата администрација.
Мнучин 17 години беше партнер во банката „Голдман Сакс“, а во 2002 година основа сопствен фонд и беше главен финансиер на претседателската кампања на Трамп.
Трамп, исто така, го именуваше и милионерот Вилбур Рос, познат по спасување пропаднати компании, за секретар за трговија, додека жестокиот критичар на здравствената политика на Барак Обама и основач на консалтинг-компанија за здравствена политика, Сим Верм, го назначи за шеф на Центарот за здравствена нега и сервис за болнички услуги.
Трамп во својата администрација избира луѓе кои се верни на неговата политика, но сè уште нема избрано кој ќе биде државен секретар.