Американскиот претседател, Доналд Трамп, се обрати по нападот во Лас Вегас, велејќи дека нацијата денеска е во жалост, шок и во болка. Тој нападот го нарече акт на чисто зло.
Напаѓачот е идентификуван како Стивен Педок (64) од Невада и во хотелската соба од каде што пукал биле пронајдени 10 парчиња оружје.
Џихадистичката група Исламска држава презеде одговорност за нападот, но ФБИ го отфрли ваквото тврдење.
„Нападот во Лас Вегас го изврши војник на Исламската држава. Напаѓачот пред неколку месеци премина во ислам“, беше објавено на интернет-страницата на терористичката организација „Амак“.
Сепак, ФБИ соопшти дека нема докази дека напаѓачот бил поврзан со било која меѓународна милитантна група.
Во нападот што се случи синоќа по локално време убиени се најмалку 58 луѓе, а повредени се повеќе од 500.
