Американскиот претседател Доналд Трамп го одобрува предлог-законот за воведување санкции кон Русија и планира да го потпише, соопшти Белата куќа.
„Претседателот ги прочита првичните верзии на законот и договорените крајно важни делови од него. Сега тој ја разгледува конечната верзија и врз основа на отвореноста кон забелешките ќе го одобри предлог-законот и има намера да го потпише“, стои во соопштението.
Сенатот со големо мнозинство го усвои документот со кој се предвидуваат санкции кон Русија, Иран и Северна Кореја, но за да стане закон треба да биде потпишан од претседателот Трамп.