Претседателот на САД, Доналд Трамп ја откажа плaнираната посета на Велика Британија, во текот на која требаше да ја отвори новата американска амбасада во Лондон.
Токму новата амбасада, која според Трамп е уште една лоша одлука на неговиот претходник, Барак Обама, е причината за откажувањето на посетата.
„Го откажувам патувањето во Лондон затоа што не сум голем обожавател на администрацијата на Обама која ја продаде најубавата амбасада на најдобрата локација во Лондон за ‘кикиритки’ за да изгради на оддалечена локација нова, за 1,2 милијарди долари. Лош договор. Сакаа да ја пресечам лентата – не“, напиша Трамп на „Твитер“.
Reason I canceled my trip to London is that I am not a big fan of the Obama Administration having sold perhaps the best located and finest embassy in London for “peanuts,” only to build a new one in an off location for 1.2 billion dollars. Bad deal. Wanted me to cut ribbon-NO!
— Donald J. Trump (@realDonaldTrump) January 12, 2018
Инаку, посетата на Трамп на Лондон беше планирана за февруари.