Забава во чест на победата на Доналд Трамп на претседателските избори во САД ќе се одржи во хотелот „Хилтон мидтаун“, а за прославата веќе се испратени покани.
Од предизборниот штаб на кандидатот на САД од Републиканската партија, Доналд Трамп, се уверени во победата и веќе испратиле покани за победничка забава.
Во поканите се наведува дека забавата ќе биде одржана во Њујорк, во хотелот „Хилтон мидтаун“, на 8 ноември, ноќта по изборите.
Притоа од штабот информираат дека на забавата се поканети „само пријатели и тие што ја поддржувале кампањата за Трамп“.