Трамп и Путин се поздравија, но подоцна ќе имаат тет-а-тет средба


       
Хамбург, 7 јули, 2017 - 14:50 (META) 

Претседателите на САД и на Русија, Доналд Трамп и Владимир Путин, денеска во Хамбург, на самитот Г20, првпат се сретнаа во живо и се ракуваа, соопшти Кремљ.

– Тие се ракуваа и еден на друг си рекоа дека подоцна ќе се состанат одвоено – изјави портпаролот на Кремљ, Дмитриј Песков.

Во Хамбург и понатаму траат протестите. Демонстрантите се собрале пред хотелот во кој се наоѓа првата дама, Меленија Трамп.

Според новите информации, повредени се 159 полицајци, а уапсени се 45 лица.