Претседателот на САД повторно ги нападна американските медиуми, нарекувајќи ги непријатели на американскиот народ.
Трамп од својата викендичка во Калифорнија објави твит во кој се наведуваат медиуми како што се „Њујорк тајмс“, „Си-ен-ен“, „Ен-би-си“, „Еј-би-си“ и „Си-би-ес“ дека не се негови, туку непријатели на Американците.
The FAKE NEWS media (failing @nytimes, @NBCNews, @ABC, @CBS, @CNN) is not my enemy, it is the enemy of the American People!
— Donald J. Trump (@realDonaldTrump) February 17, 2017
Трамп за време на претседателската кампања ги обвинуваше медиумите дека се пристрасни. Тој ги обвини новинарите дека не покажуваат доволно почит кон неговите успеси.
Американскиот претседател на конференција за медиуми одржана во четвртокот ги обвини медиумите дека се виновни за неуспесите на неговата администрација.
За четири недели на власт, на Трамп му се случи оставка на советникот за национална безбедност, повлекување на кандидат за член на кабинетот и пропаст на политиката за имиграција.