Избраниот претседател на САД, Доналд Трамп, повторно ги критикуваше американските разузнавачки служби на социјалната мрежа „Твитер“.
Трамп напиша дека поднесувањето на извештајот на разузнавачките служби за руското мешање во американските избори е одложено.
„Разузнавачкиот извештај за таканареченото „руско хакирање“ е одложено за петок, можеби и треба повеќе време за да изградат случај. Многу чудно!“, напиша Трамп.
The "Intelligence" briefing on so-called "Russian hacking" was delayed until Friday, perhaps more time needed to build a case. Very strange!
— Donald J. Trump (@realDonaldTrump) January 4, 2017
Претставници на разузнавачките служи сепак тврдат дека нема одложување во распоредот за поднесување извештај.
Претставниците на неколку американски агенции, вклучувајќи ги ФБИ и ЦИА, веруваат дека руските хакерски напади биле насочени против кампањата на кандидатката на Демократската партија, Хилари Клинтон, во полза на кандидатот на Републиканската партија, Доналд Трамп.
