Советот на Агенцијата за аудио и аудиовизуелни медиумски услуги донесе одлука за одземање на дозволата за радиоемитување на ТРД „Радио Охрид“ ДОО Охрид, откако беа исполнети законските услови, вели директорот на Агенцијата, Зоран Трајчевски.
– Издавачот на медиум и во дополнителниот рок не ги изврши обврските предвидени со одредбите од Законот за медиуми – вели Трајчевски.
Тој додава дека претходно на радиото, поради повеќекратно недоставување податоци, му биле доставувани опомени и решение за изрекување мерка, а му биле дадени неколку рокови за усогласување на работењето.
Агенцијата за аудио и аудиовизуелни медиумски услуги на 13 и 15 јуни годинава извршила контролен административен надзор, за што бил подготвен писмен извештај.