!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Трајановски утре на состанок со општинските градоначалници за загадувањето на воздухот


       
Скопје, 25 декември, 2016 - 18:03 (META) 

Градоначалникот на Град Скопје, Коце Трајановски, за утре свика состанок на кој се поканети сите градоначалниците од Скопскиот плански регион, информираат од Град Скопје.

Тема на состанокот, кој ќе се одржи во салата за состаноци на кабинетот на градоначалникот, ќе биде загадувањето на амбиенталниот воздух во Скопскиот Регион.

Група граѓани и еко-активсти в среда, во 17 часот, во Градски парк ќе одржат протест против енормното загадување на воздухот, кое во одредени денови и до 20 пати ги надминува дозволените вредности.

Организаторите на протестот имаат 12 барања до централната и до локалната власт, меѓу кои се воведување систем пар-непар за возење, забрана за движење на возила кои се без катализатори за издувни гасови, бесплатен градски превоз цела зима, зголемен број инспекции, обезбедување бесплатен огрев за граѓаните кои се греат на гуми, како и привремена забрана за работа на сите индустриските капацитети.