fbpx

Трајанов ги врати законите на СЈО за да им даде повеќе време за притисок на ЕУ и на САД

-

Поднесувањето на законите за Специјалното јавно обвинителство (СЈО) во Собранието во редовна постапка ја отвора можноста за консултации и за координација меѓу партиите во законодавниот дом, но и со гарантите на Договорот од Пржино (Европската Унија и Соединетите Американски Држави н.з.) околу прифаќањето на предложените измени. Ова е главната идеја за повторното ставање на дневен ред на измените на законите за СЈО и за заштита на сведоци, вели за „Мета“, подносителот на измените, пратеникот Павле Трајанов.

Трајанов ги поднесе предлозите за измени на законите за СЈО до Собранието вчера, една недела пред распуштањето на Собранието, кое треба да се случи на 12 октомври, што го отвора прашањето дали тие воопшто ќе успеат да ја поминат собраниската процедура, утврдена со деловникот, и ќе се најдат на седница.

– Околу временскиот теснец, можам да кажам дека во Собранието сè повеќе се зборува дека распуштањето нема да се случи на 12 октомври, туку тоа би се случило некаде најдоцна до 27 октомври. Причината за ова е поднесениот предлог-буџет за 2017 година, кој доколку Собранието се распушти на 12 октомври, нема да може да ја помине собраниската процедура – вели Трајанов.

Со поднесувањето на измените на законите за СЈО во редовна постапка, Трајанов вели дека очекува и ДУИ да го искристализира својот став, бидејќи, како што вели, партијата иако декларативно го поддржува СЈО, на гласањето за законите во вторникот, најголем дел од пратениците од таа партија не гласале за нив.

– Законите, според информациите што ги имаме, се прифатливи и за ДПА, но тие сакаат за ова да има консултација и консензус меѓу пржинската четворка – вели Трајанов и додава оти очекува законите да ги поддржат и некои од пратениците на ВМРО-ДПМНЕ, меѓу кои, според него, имало вакво расположение.

Инаку, владејачкото мнозинство во Собранието во вторникот оваа недела ги одби предлозите за измени на Законот за СЈО и на Законот за заштитени сведоци, поднесени од опозицијата во скратена постапка.

Координаторот на пратеничката група на ВМРО-ДПМНЕ, Илија Димовски, по седницата изјави дека тие и во иднина ќе гласаат против овие измени и нема да ги поддржат барањата на СЈО.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...