Топло време со умерена облачност


       
Скопје, 31 мај, 2018 - 9:16 (META) 

Времето денеска ќе биде сончево и топло со мала до умерена облачност. Попладне во западните и јужните делови ќе има појава на краткотраен локален дожд и грмежи. Утринската температура ќе се движи од девет до 16, дневната од 27 до 32 Целзиусови степена.

Во Скопје сончево и топло, попладне со умерена облачност. Попладне малку ќе има зголемена облачност. Утринската температура ќе се спушти до 14, а дневната ќе се искачи до 31 Целзиусов степен.

До утре во попладневните делови од денот и особено во крајните западни и јужни делови ќе има локална појава на краткотраен пороен дожд и ретки грмежи, а во петок ќе има и зголемување на облачноста. Во деновите од викендот на повеќе места ќе биде нестабилно со пороен дожд и грмежи, а локално се очекуваат и поинтензивни процеси. До утре кога ќе биде и најтопло дневните температури ќе бидат во благ пораст.