fbpx

ТМРО се противи на спомен-плочата на српската војска во Штип

-

Партијата ТМРО го смета за „перверзија“ откривањето на спомен-обележјето на паднатите српски борци во Штип.

– Српската војска за време на Балканските војни во 1913 година беше окупаторска на македонската земја и секакво спомен-обележје на окупатор за одбележување на неговите злосторства е перверзија. ТМРО бара објаснување од градоначалникот на Општина Штип, по кој повод и зошто се одбележа Брегалничката битка од 1913 година, во која најголемиот број загинати беа Македонци, насилно регрутирани и во српската и во бугарската војска, со еден збор, во братоубиствена војна. По таа логика, која е смислата да се величи српската окупација и да се прикажува ослободителна и кој е поробувачот во овој случај“, реагираат од ТМРО.

На откривањето на спомен-плочата минатиот понеделник, градоначалникот на Штип, Илчо Захариев, рече дека плочата се открива на местото на спомен-костурница во сеќавање на загинати 6000 српски војници.

– Македонија е отворена земја, со Република Србија имаме навистина фантастична соработка. Штип има соработка со голем број градови од Србија. Спомен-плочата ни претставува, на некој начин, тема за идна соработка. Ќе доаѓаат потомците на загинатите, ќе го посетуваат нашиот град. Денеска е значаен ден за македонско-српското пријателство – изјави Захариев.

На свеченоста што беше организирана од Општината и од Друштвото за македонско-српско пријателство, поголем дел од официјалната церемонија се одвиваше на српски јазик во присуство на министерот во српската влада, Александар Вулин.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...