!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Тирана реагира на апсењето на Харадинај


       
Тирана, 5 јануари, 2017 - 15:19 (META) 

Премиерот на Албанија, Еди Рама, во врска со вчерашното апсење на Рамуш Харадинај во Франција, на „Фјесбук“ напиша дека тоа претставува апсурд.

„Апсењето на Харадинај е апсурд! Неверојатно е дека налозите за апсење од Србија сè уште не се избришани од компјутерите на Европската Унија. Скандал“, напиша Рама.

Министерот за надворешни работи, Дитмир Бушати, изјави дека апсењето на Рамуш Харадинај во Франција се базира на налог за апсење од 2004 година издаден од Србија и дека тоа треба да се осуди затоа што тој бил ослободен од обвиненијата.

Тој, исто така, ги повика француските власти да ја расчистат ситуацијата и веднаш да го ослободат Харадинај. Бушати подвлече дека ова е на штета на процесот на нормализирање на односите помеѓу Србија и Косово и дека овој процес треба да се базира на непобитни докази, а не на провокации.