fbpx

Тевдовски: Министерството за финансии не подготвува ребаланс на буџетот

-

Министерот за финансии, Драган Тевдовски рече дека министерството не работи на ребаланс на буџетот, откако портпаролот на Владата, Миле Бошњаковски соопшти дека платите на шумските полицајци ќе се зголемат за 30 отсто по првиот ребаланс на буџетот.

– Кога ќе ги видите приходите кои ги објавивме за почетокот на годината тие се солидни и обезбедуваат адекватен раст, така што во овој момент Министерството за финансии не работи на ребаланс на буџетот – одговори Тевдовски на новинарско прашање по завршување на Комитетот за финансиска стабилност во Народната банка.

Тој рече дека реализацијата на капиталните инвестиции на почетокот на годината била пониска, но како министерство, правеле силен притисок кон сите буџетските корисници и институции за да ги зголемат активностите во врска со реализација на капиталните инвестиции.

– Потфрлањето на почетокот на годината се должи на тоа што, институциите голем дел од сериозните обврски реализираа на крајот на 2017 година. Исто така има проблеми кои ресорните министерства тековно ги решаваат, како што се проблемите со автопатиштата. Но правиме се, за активностите да бидат одблокирани и во 2018 година да имаме значително повисоко ниво на реализација на капитални инвестиции – додаде Тевдовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...