Тевдовски: Со новиот закон буџетите ќе се планираат на среден рок


       
Скопје, 19 февруари, 2018 - 12:01 (META) 

Министерот за финансии, Драган Тевдовски најави нов ревидиран Закон за буџети кој ќе се донесе до крајот на годинава, со кој, буџетите ќе се планираат среднорочно и ќе се создадат услови за воведување Фискален совет.

Измените на законот беа најавени на првиот состанок на Советот за спроведување на програмата за реформа на управувањето со јавните финансии 2018-2021.

„Програмата е прва сеопфатна стратегија од областа на управување со јавните финансии. Реформите во неа треба да придонесат за постигнување на седум приоритети: подобрување на фискалната рамка преку унапредување на проектирањето, подобрување на наплатата на приходи и истовремено поедноставување и подобрување на услугите на надлежните институции, унапредување на процесот на планирање и буџетирање, подобрување на извршувањето на буџетот, зголемување на транспарентноста, зголемување на внатрешната контрола во институциите, како и на надворешната контрола и парламентарниот надзор“, се вели во соопштението на Министерство за финансии.