Француската полиција денеска во Ница уапси тешко вооружен маж. Ова е четврти инцидент во последните четири дена, иако француската полиција ги подигна мерките за безбедност по нападите во Нант и во Дижон.
Мажот во Ница е уапсен откако безбедносните камери забележале дека носи ножеви и два пиштола.
Како што јавуваат француските медиуми, мажот е уапсен изутринава, но засега не се познати неговите мотиви. Локалниот обвинител засега ја отфрли можноста за терористички напад и додаде дека мажот со тој чин сакал да ги заплаши граѓаните со кои бил во некој вид судир.