Вчера во Охрид заврна првиот снег за оваа зима. Тенка снежна покривка го покри туристичкиот центар кој очекува зголемен број туристи за време на празниците.
Температурата утрово во 7 часот се движеше околу нула Целзиусови степени, а провејуваше и слаб снег комбиниран со северен ветар.
Во текот на ноќта температурата во градот и во околината се спушти до 4 Целзиусова степени.
За разлика од градот, сите околни планини, особено Галичица, како и Јабланица во Струшко, се под дебела снежна покривка.
Според информациите на УХМР, најмногу снег, 10 сантиметри, има во Маврово, Крушево и во Берово.
Забрани за тешки товарни возила има на патните правци Гостивар – Маврово – Дебар, Гостивар – Стража – Кичево и обратно, информира Автомото-сојузот на Македонија. Сообраќајот на сите државни патишта се одвива по влажни коловози.
