fbpx

Талат Џафери избран за спикер, демонстранти влегоа во Собранието

-

Парламентарното мнозинство попладнево го избра пратеникот на ДУИ, Талат Џафери, за нов претседател на Собранието на Република Македонија.

Претседавач на конститутивната седница беше пратеникот Ферид Мухиќ, како втор по возраст пратеник во Собранието, бидејќи најстариот, Бранко Манојловски, не беше присутен. Мухиќ за свои заменици ги избра Горан Мисовски и Џевад Адеми, а изборот на Џафери за спикер го водеше Мисовски, додека во заднина во пленараната сала, пратениците на ВМРО-ДПМНЕ извикуваа „ова е пуч“ и „срамота“, и ја пееја македонска химна.

Откако беше избран со 61 гласа „за“, Џафери даде свечена изјава и се потпиша, по што се обрати на албански јазик. За изборот на Џафери не гласаа пратениците на Беса и на ДПА.

По изборот на Џафери во Собранието, граѓаните кои протестираат под водство на граѓанската иницијатива „За заедничка Македонија“ и кои беа пред главниот и службените влезови на Собранието, влегоа внатре.

Полицијата околу зградата на Собранието засега е присутна во незначителн број, но според засега неофицијални информации, специјални полициски единици со оклопни возила биле упатени кон Собранието.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...