!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Две градинки во Карпош ќе добијат три јонизатори на воздухот


Скопје, 30 ноември, 2017 - 15:44 (META) 

Советниците од Општина Карпош на денешната седница на Советот, го поддржаа предлогот на градоначалникот Стефан Богоев, локалната самоуправа да им отстапи три јонизатори на воздухот на две градинки.

Клонот на градинката „Орце Николов“ во Карпош 2 ќе добие еден, а клонот на градинката „Мајски цвет“ во Тафталиџе 2 ќе добие два јонизатори за воздух.

Советниците на седницата го поддржаа и предлогот Општината да обезбеди финансиска и материјална помош за три семејства од населбата Злокуќани, чии домови вчера беа зафатени од пожар.

На две семејства Општината ќе им обезбеди парична помош, а за третото ќе обезбеди градежни материјали, бидејќи опожарен им бил само покривот на куќата.

На седницата бил констатиран престанок на советничкиот мандат на Душко Весковски, кој стана директор на ЈП „Водовод и канализација“, а Елена Антониевиќ е именувана за нова советничка.


Изгаснат пожарот во Злокуќани


Скопје, 29 ноември, 2017 - 15:39 (META) 

Во пожарот што избувнал денеска по 13 часот, опожарена е покривната конструкција на четири куќи – лепенки во населбата Злокуќани, а со интервенцијата на припадниците на скопската Противпожарна бригада, спречено е пожарот да се прошири и да направи поголема штета.

– Пожарот е успешно изгаснат, а во моментот се проверува да не има заостанати жаришта, но интервенцијата е завршена – вели за „Мета“ командантот на Противпожарната бригада на Град Скопје, Звонко Томески.


Горат неколку куќи во Злокуќани


Скопје, 29 ноември, 2017 - 14:35 (META) 

Од 13.50 часот денеска, 13 пожарникари на Противпожарната бригада на Град Скопје со пет возила гаснат пожар што зафатил повеќе куќи во Злокуќани, на улицата Скупи бр. 12.

Како што дознава „Мета“, можно е да бидат испратени повеќе противпожарни екипи за да се згасне огнот.

Скопските пожарникари интервенирале и вчера, на пожар на куќа, во селото Мојанци. Пожарот е изгаснат, а во акцијата учествувале осум пожарникари кои пристигнале со три возила. Штетата од огнот се проценува на речиси 3.000 евра.


Пожар во автосервис во Злокуќани


Скопје, 3 јануари, 2015 - 11:45 (META) 

Во автосервис во Злокуќани синоќа избил голем пожар.

Пожарот зафатил половина од објектот со големина од 300 квадратни метри, а надлежните истражуваат како настанал.