Град Скопје: Коловозите се целосно чисти, се дорасчистуваат тротоарите


Скопје, 11 јануари, 2019 - 11:32 (META) 

Коловозите на булеварите и магистралните улици кои се во надлежност на Град Скопје се целосно расчистени, а на терен интензивно се работи на чистење на тротоарите и велосипедските патеки од наталожениот снег за да им се овозможи полесно движење на граѓаните, информираат од Град Скопје.

„Во текот на изминатава вечер повторно се поминати сите булевари и улици што се во надлежност на Градот Скопје, а дополнително со сол се поминати и т.н. „критични точки“, пришто беа фрлени 432 тони сол. Снегот го чистеа 60 вработени рачно и со механизација – мултикултиватори, трактори со специјални четки и ножеви за снег, трактори со плуг и патарки за расфрлање на сол. Екипите на ЈП „Паркови и зеленило“ со два камиона, четири машини и останата потребна механизација вршеа расчистување на патеките од снег во зелените површини, тротоарите и  парковите  за олеснето движење на граѓаните“, се вели во соопштението.

Градот Скопје им препорачува на возачите да возат внимателно и да се придржуваат на условите на коловозите, истите да не паркираат на улиците и булеварите, и да овозможат непрекинато движење на возилата на зимската служба.

„Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.JП „Комунала хигиена“ апелира општините да ја реализираат нивната обврска за чистење на улиците кои се во надлежност на општините и апелира за поголема ажурност во оваа област, со цел непрекинато собирање на комуналниот смет“, се додава во соопштението.


Град Скопје: Ноќеска и утрово фрлени 155 тони сол на булеварите и на улиците


Скопје, 19 јануари, 2017 - 11:12 (META) 

Екипите на зимската служба на Град Скопје во текот на ноќта и утрово до 7 часот фрлиле 155 тони сол на градските булевари и улици, особено на критичните места. Како што информираат од Град Скопје, нивните екипи и понатаму се на терен и го расчистуваат снегот и мразот од улиците и од тротоарите.

Возилата на зимската служба интервенирале на сите мостови, клучки, надвозници, подвозници и на високите зони кон Водно, Пржино и Железара, како и на сите други места во главниот град, означаени како „црни точки“.

„Зимската служба на Градот будно ја следи состојбата на терен и ќе интервенира според потребите. Градот Скопје им препорачува на возачите да возат внимателно и да се придржуваат на условите на коловозите. Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување“, велат од Град Скопје.

Оттаму апелираат до граѓаните, куќните совети и до сопствениците на деловните објекти да се придржуваат до законската обврска за чистење на снегот од приодите до нивните објекти.


Ноќеска фрлени 113 тони сол на скопските булевари и улици


Скопје, 17 јануари, 2017 - 9:54 (META) 

Екипите на зимската служба на Град Скопје ноќеска фрлиле 113 тони сол на градските булевари и улици, особено на критичните места. Како што велат од Град Скопје, нивните екипи со возила за ринење интервенирале низ градските сообраќајници и на критичните точки, односно на сите мостови, клучки, надвозници, подвозници и високите зони кон Водно, Пржино, Железара.

„Зимската служба на Градот будно ја следи состојбата на терен и ќе интервенира според потребите“, велат од Град Скопје.

Оттаму им препорачуваат на возачите да возат внимателно и да се придржуваат на условите на коловозите.

„Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување. Апелираме до граѓаните, куќните совети и до сопствениците на деловните објекти да се придржуваат до законската обврска за чистење на снегот од приодите до нивните објекти“, потсетуваат од Град Скопје.