!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Бројот на туристите е зголемен за 13,4 отсто во првите два месеци во однос на лани


Скопје, 12 април, 2017 - 13:37 (META) 

Во првите два месеци годинава, бројот на туристи е зголемен за 13,4 проценти во однос на истиот период лани, објави Државниот завод за статистика. Кај домашните туристи има зголемување за 12,7 проценти, а кај странските за 13,9 проценти.

Во истиот период, бројот на ноќевањата е зголемен за 11,1 отсто, и тоа кај домашните туристи има зголемување за 4,2 проценти, а кај странските има зголемување за 16,6 проценти.

Бројот на туристите во февруари изнесувал 36.869 лица, а бројот на ноќевања бил 79.860.


Зголемен бројот на туристи во јануари за 13,3 проценти во однос на лани


Скопје, 13 март, 2017 - 14:26 (META) 

Бројот на туристите во јануари годинава изнесувал 43.220 и во однос на истиот месец лани, тој е зголемен за 13,3 проценти, објави Државен завод за статистика.

Бројот на ноќевања истиот месец изнесувал 87.894 денари и во однос на лани има зголемување од 11,7 проценти.

Во истиот период бројот на домашните туристи е зголемен за 10,3 проценти, а бројот на странските туристи е зголемен за 15,5 проценти.

Бројот на ноќевањата на домашните туристи во јануари 2017 година, во однос на јануари 2016 година, е зголемен за 8,1 отсто, а бројот на ноќевањата на странските туристи е зголемен за 15,2 проценти.


Кина ќе го зголеми буџетот за војската за седум отсто


Пекинг, 4 март, 2017 - 16:42 (META) 

Кина оваа година ќе го зголеми буџетот за одбраната за околу седум отсто, соопштија властите во Пекинг, пренесуваат светските медиуми. Информацијата доаѓа во пресрет на годишниот состанок на Националниот народен конгрес во Пекинг.

Како што пренесува „Би-би-си“, Кина последните неколку години забрзано ги модернизира своите вооружени сили, а овој процес го следи и забрзаниот развој на екомијата на земјата.

Сепак, буџетот на Кина за одбрана и понатаму останува значително помал во однос на САД.

Дел од кинеските медиуми минатата недела пишуваа и апелираа буџетот на кинеската армија да се зголеми за најмалку 10 отсто за да може да одговори на неизвесноста што ја предизвикува американскиот претседател Доналд Трамп, кој предлага зголемување на буџетот на Пентагон за околу 10 отсто.

Неименуван поранешен висок офицер на кинеската армија за медиумите во Хонг Конг изјавил дека кинескиот воен буџет треба да се зголеми за 12 отсто за да може да им парира на САД.

Армијата на Кина, која има два милиони припадници е најбројна во светот.


НБМ: Лани имало 358 милиони евра странски инвестиции


Скопје, 28 февруари, 2017 - 13:08 (META) 

Вкупниот прилив на странски директни инвестиции лани изнесувал 358,4 милиони евра, објави денеска Народната банка на Македонија.

Споредено со 2015 година, странските инвестиции минатата година се поголеми за 141,7 милиони евра.

Во декември минатата година, во земјава влегол странски капитал во вредност од 74,7 милиони евра.


Бројот на туристи лани е зголемен за 5 проценти во однос на 2015 година


Скопје, 13 февруари, 2017 - 13:01 (META) 

Бројот на туристи лани е зголемен за 5 проценти, во однос на 2015 година објави Државниот завод за статистика.

Кај домашните туристи зголемувањето е за 4,8 проценти, а кај странските за 5,1 процент.

За истиот период, бројот на ноќевањата е зголемен за 2,8 проценти и тоа кај домашните туристи има зголемување за 3,6 проценти, а кај странските за 1,7 проценти.

Според податоците на Државниот завод за статистика, бројот на туристите во декември 2016 година изнесува 42.101, а бројот на ноќевањата бил 81.060.


Германија со рекорден трговски суфицит во 2016 година


Берлин, 9 февруари, 2017 - 19:59 (META) 

Извозот на стоки на Германија минатата година се зголемил на рекордно ниво благодарение на зголемената побарувачка од земјите на Европската Унија, што придонело за зголемување на трговскиот суфицит на земјата на рекордно ниво од 252,9 милијарди евра, соопшти денеска германската сојузна канцеларија за статистика, јавуваат светските агенции.

Минатата година најголемата европска економија извезла стоки во вредност од 1.207,5 милијарди евра, односно за 1,2 отсто повеќе во споредба со 2015 година, додека увозот изнесувал 956,6 милијарди евра, што е зголемување од 0,6 отсто во споредба со претходната година.

Во 2015 година надворешниот трговски суфицит на Германија изнесувал 244,3 милијарди евра.

Минатата година, според статиските, најмногу се зголемил извозот на Германија за Европа, со пораст на продажбата на стоки во земјите од еврозоната за 1,8 отсто и за 2,8 отсто во другите европски земји.

Извозот во другите, неевропски земји, вклучувајќи ги и САД, кои се и први комерцијални партнери на Германија, лани бележи незначителен пад од 0,2 отсто, односно изнесувал 499,6 милијарди евра.


Сончево време со зголемување на дневната температура


Скопје, 30 јануари, 2017 - 9:15 (META) 

Времето денеска ќе биде сончево и тивко, со умерена облачност. Претпладне во одделни котлини ќе има ниска облачност и слаба магла.

Утринската температурата ќе се движи од минус 12 до минус 5 Целзиусови степени, а дневната од 1 до 6 Целзиусови степени.

Во Скопје се очекува слично време. Утринската температура ќе се спушти до минус 11 Целзиусови степени, а дневната ќе достигне 3 Целзиусови степени.

Највисока снежна покривка е измерена во Маврово (64 сантиметри), а најстудено било во Тетово со минус 11 Целзиусови степени.


Благ пораст на туризмот во минатата година


Скопје, 18 јануари, 2017 - 9:58 (META) 

Минатата година, заклучно со ноември, бројот на туристите што престојувале во земјава бил зголемен за 5 отсто, споредено со истиот период од претходната 2015 година, покажуваат податоците на Државниот завод за статистика (ДЗС).

Кај домашните туристи зголемувањето е за 5,3 отсто, а кај странските за 4,8 отсто.

Во истиот период, бројот на ноќевања е зголемен за 2,7 отсто кај домашните, односно за 3,9 отсто кај странските туристи.

Бројот на туристите, само за ноември 2016 година, изнесува 44.162, а бројот на ноќевањата 97.980, покажуваат податоците на ДЗС.

Во однос на истиот месец од 2015 година, зголемувањето е 5,7 отсто кај посетеноста, односно 3,4 отсто кај ноќевањата.

Лани во ноември, во земјава престојувале за 5,3 отсто повеќе странски туристи.

Бројот на ноќевањата на домашните туристи во ноември 2016 година е зголемен за 7 отсто, а кај странските за 0,1 отсто.


Царинската управа лани инкасирала 1,1 милијарда евра од давачки и акцизи


Скопје, 16 јануари, 2017 - 14:56 (META) 

Царинската управа на Република Македонија ја завршила 2016 година со вкупно остварени приходи од 72,9 милијарди денари (околу 1,1 милијарди евра, н.з.), што е за 8,5 отсто, односно за 5,7 милијарди денари (92 милиони евра, н.з.) повеќе од приходите во 2015 година.

„Ова претставува значителен успех при наплата на давачките во надлежност на Царинската управа, а тоа се давачки при увоз (царина, данок на додадена вредност, акцизи и надоместоци) и наплата на акциза не само при увоз, туку и во внатрешен промет“, стои во соопштението од Царинската управа.

Како што информираат оттаму, во 2016 година Царинската управа наплатила за 5,5 отсто, односно за 3,8 милијарди денари (61,7 милиони евра) повеќе од планираното.

„За 2016 година беше планирано да се наплати 69,5 отсто од даночните приходи во буџетот на Република Македонија, а наплатени се 73,3 отсто од нив. Во однос на реализираните приходи во 2015 година, во 2016 година остварено е значително зголемување на наплата на сите видови давачки. Ова зголемување е остварено при зголемување на вредноста на увозот од само 1,8 отсто“, велат од Царината.

Според Царинската упарава, во 2016 година таа наплатила:

  • 42,1 милијарда денари од ДДВ, што претставува за 6,5 осто, односно за 2,56 милијарди денари, повеќе од наплатата во 2015 година;
  • 4,76 милијарди денари од царинење, што претставува за 9,9 отсто, односно за 0,4 милијарда денари повеќе од наплатата во 2015 година;
  • 25,4 милијарда денари од акцизи, што претставува за 11,7 отсто, односно за 2,67 милијарди денари повеќе од наплатата во 2015 година;
  • 0,68 милијарда денари од надоместоци, што претставува за 8,4 отсто, односно за 0,53 милијарда денари повеќе од наплатата во 2015 година.

Зголемената наплата на приходите, како што информираат од Царинската управа, се должи на повеќе фактори, односно на зголемена финансиска дисциплина на сите учесници во трговијата, подобрување на системот за управување со ризик на Царинската управа при увоз, контролите кај компаниите по завршена постапка, односно постконтроли и подобрувањето на интерните контролни системи.


Светска банка предвидува пораст на македонската економија од 3,3 проценти годинава


Вашингтон, 11 јануари, 2017 - 15:48 (META) 

Домашниот бруто-производ (БДП) на Македонија ќе се зголеми 3,3 проценти оваа година и 3,7 проценти следната година, предвидува Светска банка во јануарскиот извештај за глобалните перспективи.

Овие прогнози на Светска банка за македонската економија се пониски од јунската прогноза лани, кога се предвидуваше пораст на економијата од 4 проценти.

Светска банка за глобалната економија годинава предвидува пораст од 2,7 проценти, што е исто така намалување во однос на јунската прогноза, кога се предвидуваше дека економијата ќе се зголеми за 2,8 проценти.

Светска банка ја задржа својата прогноза за САД од јуни, за пораст на економијата од 2,2 отсто, а за Русија и за Бразил очекува да излезат од рецесија.