!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Во возило пронајдени 12 мигранти од Сирија, од нив осум деца


Кавадарци, 25 јули, 2016 - 12:56 (META) 

Вчераутро, околу 9 часот, полициска екипа на локалниот пат Кавадарци – Конопиште, во возило, марка „рено еспејс“, со скопски регистарски ознаки, пронашле 12 илегални мигранти со потекло од Сирија, информираат од МВР.

Според полициските информации, од мигрантите четворица биле возрасни лица, додека другите осум биле деца.

Мигрантите биле приведени, а според МВР, шестмина од нив ќе бидат задржани во Прифатниот центар за странци, а другите ќе бидат вратени во Грција, од каде нелегално влегле во земјава.

Возачот успеал да им побегне на полицајците и во тек се мерки за негово пронаоѓање.


Околу 400 туристи од Македонија „заглавени“ во Истанбул


Истанбул, 3 мај, 2015 - 17:05 (META) 

Околу 400 туристи од Македонија, кои за првомајските празници со седум автобуси заминале во Истанбул, биле задржани во два хотели бидејќи туристичката агенција што го организирала патувањето не платила за престојот, пренесува „Утрински“, повикувајќи се на информации од патниците.

Според информациите на весникот, на патниците во Истанбул не им било дозволено да се вратат во Македонија бидејќи сопственикот на туристичката агенција што го организирала патувањето не платил за престојот.

Дел од патниците за весникот рекле дека сопственикот на агенцијата бил приведен од истанбулската полиција и дека нивното враќање во Македонија зависело од тоа дали ќе бидат намирени трошоците за престојот.

За целиот случај тие го информирале конзулот на Македонија во Истанбул.