Сончево време со јужен ветер и температура до 17 степени


Скопје, 19 февруари, 2019 - 9:19 (META) 

Времето во Македонија денеска ќе биде сончево со слаб јужен ветер. Утринската температура се движеше од -4 до 0 Целзиусови степени, а дневната ќе изнесува меѓу 9 и 17 степени.

Во Скопје, слично време, сончево со слаб јужен ветер. Утринската температура се спушти до -3 Целзиусови степени, а дневната ќе достигне до 16 степени.

До четврток ќе се задржи претежно сончево и потопло време. В петок се очекува зголемување на облачноста со локални врнежи од дожд, а на планините од снег. В сабота ќе дува засилен северен ветер, наместа ќе има слабо провејување на снег.

За време на викендот ќе има значително опаѓање на дневната температура.


Сончево и потопло време


Скопје, 18 февруари, 2019 - 9:27 (META) 

Времето денеска ќе биде сончево, со слаб ветер од променлив правец. Утринската температура ќе се движи од минус 6 до два степени, а дневната од 8 до 18 Целзиусови степени.

Во Скопје ќе преовладува слично време, со утринска температура од минус 2 степени, а дневната ќе достигне 15 Целзиусови степени.

Утре ќе преовладува сончево време, со слаб југоисточен ветер. Минимална температура ќе се движи од минус 3 до 3 степени, а максимална температура од 12 до 17 степени.


Времето променливо облачно, температурата до 10 степени


Скопје, 14 февруари, 2019 - 9:20 (META) 

Во Македонија претпладне времето ќе биде сончево со мала облачност, а околу пладне и попладне облачноста ќе се зголемува па ќе преовладува променливо облачно со сончеви периоди.
Ќе дува умерен до засилен ветер од северозападен правец, особено изразен долж Повардарието.

Температурата ќе се движи од -1 до 10 Целзиусови степени.

Во Скопје променливо облачно време со температура од -2 до 7 Целзиусови степени.

И утре ќе дува умерен до засилен северен ветер, а ќе има и локални врнежи од снег. Од сабота следува период на претежно сончево време со пораст на дневната температура.


Променливо облачно време со ветер и повремен снег


Скопје, 12 февруари, 2019 - 9:24 (META) 

Времето во Македонија ќе биде променливо облачно и постудено, со повремен локален снеr, особено на запад и претежно претпладне. Ќе дува засилен северен ветер, најизразен долж Повардарието.

Дневната температура ќе изнесува од 0 до 9 Целзиусови степени.

Во Скопје ќе биде променливо облачно. Ќе дува засилен северен ветер. Дневната температура ќе се искачи до 5 Целзиусови степени.


Претпладнево сончево со умерена облачност, попладне пороен дожд


Скопје, 11 февруари, 2019 - 9:18 (META) 

Претпладне во Македонија времето ќе биде сончево со мала до умерена облачност, преку денот со засилен јужен ветер особено во западните делови, каде ќе достигнува брзина и до 80км/час.

Во попладневните часови облачноста ќе се зголеми и од запад ќе започнат врнежи од дожд, кои на места ќе бидат и поројни. Преку ноќта врнежите ќе се прошират насекаде и ќе бидат пообилни во западните и северните делови, каде на повисоките места ќе преминуваат во снег. Ветерот ќе го промени правецот во северен. Снежната покривка на планините ќе се зголеми, а помала снежна покривка ќе се формира и во местата над 600 м.н.в.

Температурата ќе се движи од 7 до 16 Целзиусови степени.

Во Скопје слично време, со температура од -1 до 13 степени.

Под влијание на многу студен бран од север од утре следува период на променливо облачно, значително постудено и ветровито време, со засилен северен ветер и со слаби локални врнежи од снег.


Сончево со умерена облачност и ветер


Скопје, 8 февруари, 2019 - 9:17 (META) 

Времето во Македонија денеска ќе биде сончево, со мала до умерена облачност и со слаб до умерен ветер од северен правец, вели прогнозата на Управата за хидрометеоролошки работи.

Утринската температура се движеше од -3 до 3, а дневната ќе се движи во интервалот од 3 до 13 Целзиусови степени.

Во Скопје, слично време, сончево со мала до умерена облачност и со слаб до умерен ветер од северен правец. Утринската температура се спушти до -3, а дневната ќе достигне до 8 Целзиусови степени.

За време на викендот времето ќе биде стабилно и суво, со пониски утрински температури, а дневните ќе бидат во постепен пораст. По одделни котлини ќе има појава на утринска магла.

В понеделник ќе дува засилен јужен ветер, а попладне од запад ќе започнат врнежи, претежно од дожд. Од вторник ќе биде постудено и врнежите ќе преминуваат во снег.


Променливо облачно со умерен ветер


Скопје, 7 февруари, 2019 - 9:14 (META) 

Времето денеска ќе биде променливо облачно со сончеви периоди, во текот на денот облачноста ќе се намалува, особено во источните делови на земјава.

Ќе дува слаб до умерен ветер претежно од северен и северозападен правец. Максималната температура ќе биде во интервал од 5 до 9 Целзиусови степени. Во Скопје ќе биде променливо облачно, со сончеви периоди, и со слаб до умерен ветер од северозападен правец. Температурата ќе достигне до 8 Целзиусови степени.

Следува период на стабилно и суво време со пониски утрински температури, а дневните ќе бидат во постепен пораст.


Облачно и ветровито време, со повремен дожд


Скопје, 6 февруари, 2019 - 9:12 (META) 

Времето денеска ќе биде облачно, постудено и ветровито со повремени врнежи од дожд, со слаб до умерен интензитет. На планините и на некои места врнежите ќе бидат од снег. Ќе дува умерен до засилен северен ветер, особено претпладне и најизразен долж Повардарието.

Дневната температура ќе биде во интервал од 4 до 9 Целзиусови степени.

Во Скопје ќе биде облачно и ветровито, околу пладне и попладне со повремен дожд. Ќе дува умерен, претпладне засилен северен ветер. Максималната температура ќе биде околу 6 Целзиусови степени.

Од утре следува период на стабилно време со пониски утрински температури, а дневните ќе бидат во постепен пораст. Утре се уште ќе има зголемена облачност, а од петок и особено за време на викендот ќе биде посончево и потопло, со дневна температура што во поголем дел од земјава ќе биде од 10 до 15 Целзиусови степени.


Променливо облачно и топло време денеска, од утре заладување


Скопје, 5 февруари, 2019 - 9:49 (META) 

Времето денеска во Македонија ќе биде променливо облачно, во источните делови со подолги сончеви периоди, а во западните ќе има зголемена облачност. Ќе дува слаб до умерен северен ветер. Максималната температура ќе биде во интервал од 6 до 16 Целзиусови степени, вели прогнозата на Управата за хидрометеоролошки работи (УХМР).

Во Скопје, времето ќе биде умерено облачно, со слаб до умерен ветер од североисточен правец. Максималната температура ќе достигне до 12 Целзиусови степени.

Утре ќе биде облачно со повремени врнежи од дожд, а на планините од снег.  Поради спуштање на постуден воздух, попладнето и во вечерните часови врнежите ќе преминат во снег и на некои повисоки места. Наутро по котлините ќе има услови за појава на магла.

Потоа во наредните денови ќе преовладува стабилно време со пониски утрински температури.


На западот променливо облачно, во другиот дел од земјава главно сончево


Скопје, 1 февруари, 2019 - 9:31 (META) 

Времето во западните делови на Македонија денеска ќе биде променливо облачно со слаб локален дожд, а на планините со слаб снег. Во останатите делови на земјава ќе биде сончево со умерена облачност. Претпладне по котлините ќе има појава на магла. Ќе дува слаб до умерен јужен ветер.

Утринската температура се движи од  -6 до 1 Целзиусов степен, а дневната ќе биде во интервал од 3 до 12 Целзиусови степени.

Во Скопје и околината слично време, со утринска температура од околу  -4 Целзиусови степени и дневна до 5 степени.

Следува период на претежно облачно и потопло време, особено на повисоките места и на планините, што ќе предизвика топење на снежната покривка. Во утринските часови по котлините ќе има појава на магла. За време на викендот ќе дува умерен до засилен југоисточен ветер. Од понеделник ќе има локални врнежи од дожд, со слаб до умерен интензитет.