Две лица загинаа, а 13 се ранети при пукотници во Торонто


Торонто, 23 јули, 2018 - 10:20 (META) 

Напаѓачот и една млада жена се убиени, а 13 лица се ранети во пукотници кои се случија во Торонто, пренесуваат светските медиуми.

Престрелките со оружје се случиле на авениите Данфорт и Логан, место каде што се наоѓаат многу познати ресторани, кафулиња и трговски центри.

Една млада девојка е во критична состојба, додека останатите ранети се хоспитализирани.

„Ги истражуваме сите мотиви и не е исклучена ниту една можност“, изјави шефот на полицијата на Торонто, Марк Саундер.

Градоначалникот на Торонто изјави дека градот се соочува со проблемот со вооружување и дека оружјето е лесно достапно.Годинава во Торонто е во пораст вооруженото насилство, а процентот на смртност е зголемен на 56 проценти од 26 проценти лани.


ОН предупредуваат на забрзан напредок на вооружувањето на Северна Кореја


Сеул, 29 септември, 2017 - 11:38 (META) 

Јукија Амано, директорот на Меѓународната агенција за атомска енергија која е дел од Обединетите нации, изјави дека Северна Кореја бргу напредувала во развојот на вооружувањето.

Амано рече дека тоа го покажала шестата нуклеарна проба што Северна Кореја ја изведе на 3 септември. Тој предупреди дека таа најсилна нуклеарна проба на Пјонгјанг претставува нова закана.

– Сега е најважно меѓународната заедница да се обедини – рече Амано по состанокот со шефот на дипломатијата на Јужна Кореја, Канг Кјунг-вао, за време на посетата на Сеул.


САД се подготвени да ја вооружат либиската влада


Виена, 16 мај, 2016 - 17:25 (META) 

Соединетите Американски Држави (САД) и други светски сили се подготвени да ја вооружат либиската влада на национално единство, која ја има поддршката на Обединетите нации, како помош во борбата против Исламска држава (ИД), јавува „Би-би-си“.

Објавувајќи го планот на меѓународниот министерски состанок во Виена, државниот секретар на САД, Џон Кери, изјавил дека светските сили ќе ја поддржат владата во барањето за изземање од ембаргото за оружје на ОН.

Кери додал дека ИД е нова закана за Либија и „императив“ е да биде запрена.

Владата на национално единство, со поддршка на Обединетите нации, беше прогласена на 31 март, а на нејзино чело е премиерот Фајез Сараџ.

Со ова беше ставен крај на периодот во кој во земјата дејствуваа две сепаратистички администрации, едната во Триполи, а другата во градот Тобрук, на истокот на земјата.

Во главниот град на Австрија денеска се одржува меѓународен министерски состанок за решaвање на кризата во Либија.