Воена база во Македонија побарал Ердоган од Заев, тврди Теодоракис


Атина, 22 март, 2018 - 14:17 (META) 

Лидерот на центристичката, социјално-либерална грчка партија Река, Ставрос Теодоракис, во емисијата „Сега“ на грчки „Скај“ изјави дека „Таип Ердоган му побарал на Зоран Заев да Турција отвори воена база“ како контра услуга за поддршката и помошта што земјата би ѝ ја давала на Македонија, пренесува десничарскиот грчки „Елефтерос типос“.

И Грција и Турција се членки на НАТО, но постојано се во судир околу поморската граница во Егејот и кипарското прашање.

– Ќе дозволиме ли да се формира турска воена база на нашата северна граница и толку близу до Солун – запрашал Теодоракис, чија партија има шест пратеници во грчкиот парламент и двајца во Европарламентот.

Теодоракис ова го кажал во контекст на преговорите за името и како поткрепа на заложбата дека проблемот треба што поскоро да се реши.

Тој неодамна имаше средба со премиерот Ципрас на која разговараа за потребата од формирање Совет за национална безбедност.

Сложено име за севкупна употреба, но и бришење на „агресивниот дух кон Грците“ од Уставот, учебниците и секојдневниот живот во соседната земја, се позициите на Теодоракис за прашањето за името.

– Едно сложено име за севкупна употреба, паралелно со конкретни обврски од нашите соседи дека ќе има бришење во нивниот Устав и во учебниците. Многу инсистирам на учебниците затоа што тие ја градат свеста, дека од нивното секојдневие, од нивната култура, ќе се избрише овој агресивен дух кон Грците и кон грчката Македонија – вели Теодоракис за „Скај“.

Лидерот на „Река“ одби директно да одговори каква ќе биде позицијата доколку договорот дојде во грчкиот Парламент.

Гласањето, според него, ќе зависи од самиот предлог и што тој точно ќе содржи.


Мачнина кај 11 лица откако било отворено писмо во воена база во САД


Вашингтон, 28 февруари, 2018 - 11:30 (META) 

Вкупно 11 лица, меѓу кои и маринци, вчера почнале да чувствуваат мачнина откако било отворено писмо со непозната супстанцa. Инцидентот се случил во заедничката воена база „Мајер Хендерсон Хол“ во Арлингтон, САД, јавија американските медиуми.

Три лица биле префрлени во болница, но се во стабилна состојба. Другите што имаат симптоми добиваат лекарска помош во базата.

Откако писмото било отворено и биле пријавени проблемите, била евакуирана административната зграда во базата.

Воените сили на САД соработуваат со локалните тимови за справување со опасни материи и со ФБИ.


Најмалку 11 загинати во напад на воена база во Кабул


Кабул, 29 јануари, 2018 - 15:35 (META) 

Најмалку 11 војници загинаа, а 15 се ранети во напад на воена база во близина на воената академија во главниот град на Авганистан, Кабул, соопшти авганистанското министерство за одбрана, пренесуваат светските медиуми.

Во нападот учествувале петмина милитанти, од кои четворица се убиени за време на нападот, а еден е уапсен, рекле од министерството.

Како што јавува новинската агенција „Амак“, одговорноста за нападот ја презела Исламска држава.

Денешниот напад доаѓа два дена по смртоносниот напад во Кабул, кога во експлозија на амбулантно возило загинаа најмалку 100 луѓе, а повеќе од 15 беа повредени. Одговорноста за овој напад ја презедоа талибанските милитанти.

Пред една недела талибанските милитанти убија 22 лица во напад на луксузен хотел во Кабул.


Германија го почна повлекувањето на трупите од базата Инџирлик


Анкара, 9 јули, 2017 - 16:43 (META) 

Германија почна да ги повлекува своите трупи од воздушната база Инџирлик во Турција, откако Анкара им го забрани пристапот на германските претставници во таа база.
Претходно повлекувањето на трупите од базата го одбори германскиот парламент.

Германските авиони би требало да продолжат да изведуваат операции од Инџирлик барем до крајот на јули, како дел од мисијата со која се обезбедува поддршка на американската коалиција во борба против Исламска држава во Ирак и во Сирија.

Во меѓувреме, целиот материјал ќе биде преместен во нова воена база во Јордан.

Претходно Турција одби да дозволи германски претставници да ја посетат воената база Иџирлик со образложение дека Германија најпрво треба да го подобри својот однос спрема Турција.


Во напад на екстремистите убиени се 70 лица во Сомалија


Могдишу, 8 јуни, 2017 - 17:00 (META) 

Седумдесет лица загинаа, а најмалку 40 се повредени откако терористичката група Ал шабаб нападна воена база во автономната држава Пунтланд во Сомалија, соопштија сомалиските власти.

Жителите на Пунтланд тврдат дека многу цивили, вклучувајќи и жени, се обезглавени.

Властите велат дека нападот во Пунтланд е најсмртоносниот во последните неколку години.

Високиот воен претставник, Ахмед Мухамед рече дека нападот почнал со експлозија во зафрлениот камп Аф Урур, кој се наоѓа на околу 100 километри западно од Босасоа. По експлозијата, екстремистите ја зазеле базата и од мала оддалеченост пукале кон војниците.

Мухамед рекол дека во нападот се убиени околу 70 лица, но уште нема официјални податоци за бројот на жртвите.

 


Десет загинати при напад на воена база во Авганистан


Кандахар, 23 мај, 2017 - 15:50 (META) 

Најмалку 10 авганистански војници загина во напад што екстремистите го извршија на воена база во јужната провинција Кандахар, соопшти денеска авганистанското министерство за одбрана.

Ова е најнов напад на авганистанските сили кои ги поддржува Западот.

– Синоќа непријателите на Авганистан го нападнаа кампот Ачакзаи воениот корпус 205 во округот Шах Вали Кот. Десет храбри војници загина од маченичка смрт, а девет други се повредени, соопштија од министерството.


Повеќе од 100 лица убиени во напад на воена база во Авганистан


Кабул, 22 април, 2017 - 11:08 (META) 

Повеќе од 100 војници загинале во нападот на талибанците на воена база на северот на Авганистан, соопштило утрово авганистанското министерство за одбрана, јавуваат светските агенции.

Станува збор за прво официјално соопштение на авганистанските власти по нападот на базата во градот Мазар-е-Шариф, кој се случи вчера и траеше неколку часа и за кој првин извести командата на силите на САД во Кабул.

Британскиот национален сервис „Би-би-си“, повикувајќи се на локални извори, наведува дека во нападот на талибанците загинале повеќе од 130 лица, од кои најголем број биле авганистански војници, како и дека бројот на жртви би можел да биде поголем.

Најмалку 10 талибанци биле убиени во вчерашниот судир, а еден од напаѓачите е приведен.


Трамп првпат нареди напад, бомбардирана воена база во Сирија


Вашингтон, 7 април, 2017 - 10:00 (META) 

Од американските разорувачи во Источниот Медитеран истрелани се десетина ракети „томахавк“ на позиции на сириската војска, а операцијата ја наредил претседателот Доналд Трамп како одмазда за наводниот напад со хемиско оружје на силите на Башар ал Асад во Идлиб, јавија светските агенции.

Претставник на Белата куќа соопшти дека се истрелани 59 прецизно-наведувачки ракети, кои ја погодиле воздухопловната база Шајрат во Сирија.

Други претставници претходно соопштија дека се истрелани 70 ракети.

Воздухопловната база што беше цел на нападот, според претставникот на Белата куќа, има врска со „програмата за хемиско оружје на сирискиот режим и е директно поврзана со ужасниот хемиски напад од 4 април“.

Трамп наредбата ја издал од Флорида, а со американскиот претседател во тој момент биле државниот секретар, Рекс Тилерсон, како и неговиот советник за безбедност Херберт Рејмонд Макмастер.

Како што јавува „Си-ен-ен“, Трамп за време на нападот бил на вечера со кинескиот претседател Кси Џинпинг, а секретарот за одбрана, Џејмс Матис, постојано го информирал за операцијата во Сирија.

Трамп на новинарите им соопшти дека во интерес на САД е да ги сопрат употребата и ширењето на смртоносното хемиско оружје.

– Вечерва наредив воен напад на позиции во Сирија од кои е извршен нападот со хемиско оружје. Нема спор околу тоа дека Сирија користела забрането оружје, ги прекршила обврските што ги има според Конвенцијата за хемиско вооружување и ги игнорирала апелите на Советот на безбедност на ОН – рече Трамп.

Според последниот биланс, најмалку 86 лица, меѓу кои 30 деца и 20 жени, загинаа во нападот со хемиско оружје во бунтовничката провинција на северозападот на Сирија.


Талибанците нападнаа воена база во Авганистан – четворица загинати и 14 повредени


Четири лица загинаа, а најмалку 14 се повредени во денешната експлозија во најголемата американска воена база во Авганистан, соопшти НАТО. Одговорноста за нападот ја презедоа талибанците.

„Експлозивната направа е детонирана во воздушната база Баграм и има повеќе жртви. Екипите во Баграм им помагаат на ранетите и го истражуваат инцидентот“, соопштија од НАТО.

Сепак, од Северноатлантската алијанса не соопштија од која националност се жртвите.

Портпаролот на талибанците, Забихулал Муџахид, на „Твитер“ ја презеде одговорноста за нападот.


Турскиот премиер најави затворање на воена база и на касарните што ги користеа пучистите


Анкара, 29 јули, 2016 - 16:19 (META) 

Турција ќе ја затвори воздухопловната база во близина на Анкара, како и сите касарни што ги користеле одметнатите војници за време на неуспешниот обид за воен удар пред две недели, изјави денеска турскиот премиер Бинали Јилдирим.

– Ќе ги затвориме сите касарни од кои излегоа тенковите и полетаа хеликоптерите – рече Јилдирим, обраќајќи се во близина на воздухопловната база Акинџи, северно од Анкара, кои заговорниците во обидот за пуч ја користеле како упориште на 15 јули.