!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Влатко Стефановски и Амет Шериф ќе ја добијат државната награда „11 Октомври“


Скопје, 26 септември, 2017 - 13:21 (META) 

Познатиот музичар Влатко Стефановски и историчарот Амет Шериф се добитниците на годинешната награда  „11 Октомври“, соопшти Министерство за култура.

Влатко Стефановски, еден од основачите на „Леб и сол“ и поранешен државен уметник, е добитник на наградата „11 Октомври“ за животно дело во областа на науката, уметноста, стопанството и на другите дејности од јавен интерес на Република Македонија. Вториот добитник на оваа награда, во категоријата за животно дело во областа на науката и на образованието се доделува на историчарот проф. д-р Амет Шериф.

Наградата на добитниците ќе им биде врачена на 11 октомври 2017 година, во 12 часот, во Собранието на Република Македонија.


Повеќе од 100 кандидати за гитарската работилница со Влатко Стефановски


Скопје, 15 јуни, 2015 - 13:18 (META) 

Повеќе од 100 кандидати се пријавени за учество на гитарската работилница со Влатко Стефановски која, со поддршка на Министерството за култура, ќе се одржи од 24 до 26 јуни во Спомен-домот на Тоше Проески во Крушево.

Младите музичари ќе имаат можност три дена да работат со својот ментор, а резултатите од нивната заедничка работа ќе бидат презентирани на завршниот концерт, што ќе се одржи на платото пред Спомен-домот каде младите гитаристи ќе настапат заедно со Влатко Стефановски.

Почнувајќи од оваа година, секое лето во Крушево, во Спомен-домот на Тоше Проески, ќе се реализираат музички работилници за различни инструменти преку кои младите талентирани музичари ќе имаат можност да стекнат непроценливи искуства и знаења од македонските најреномирани уметници и ѕвезди.


Влатко Стефановски ќе одржи работилница за гитара во Крушево


Скопје, 21 мај, 2015 - 15:44 (META) 

Познатиот гитарист Влатко Стефановски ќе одржи работилница за гитара во Спомен-домот на Тоше Проески во Крушево, од 24 до 26 јуни.

Пријавувањето за првата работилница почнува уште денеска и ќе трае еден месец. Заинтересираните може да пополнат апликација поставена на веб-страницата www.krusevoworkshop.mk, каде се наведени и условите за учество.

Курсот за сите што сакаат да научат повеќе за свирењето гитара е бесплатен. Работилницата е проект од програмата на Владата на РМ и ќе ја организира продукцијата „Трето уво“.

Во план е секоја година да се организираат музички работилници за различни видови инструменти под менторство на афирмирани музичари.