!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Изложба на Ферди Булут и на Дарко Талески во Прилеп


Прилеп, 14 септември, 2017 - 11:04 (META) 

Во ликовната галерија на Центарот за култура „Марко Цепенков“, утре, во 19 часот, ќе биде отворена изложбата „Дел од мене“ од уметниците Ферди Булут и Дарко Талески од Прилеп. Изложбата е дел од  манифестацијата „Нов културен бран“ што ја реализира Министерството за култура.

Уметниците ќе се претстават со изложба на фотографии и со кратки видеозаписи, како дел од видеоперформанс.

Под насловот „Како ме гледаш мене покажува кој си ти, како јас реагирам на тебе покажува кој сум јас“, уметниците се зафаќаат со социологијата на Пелагонискиот Регион, а како проминентен елемент го издвојуваат тутунот.