Времето сончево со умерена облачност и температура до 28 степени


Скопје, 19 октомври, 2018 - 9:09 (META) 

Времето во Македонија ќе биде сончево со умерена облачност и со слаб до умерен северозападен ветер.

Утринската температура се движи од 2 до 10 Целзиусови степени, а дневната ќе изнесува меѓу 22 и 28 степени, вели прогнозата на Управата за хидрометеоролошки работи (УХМР).

Во Скопје слично време, сончево со умерена облачност и со умерен северен ветер. Утринската темптература се спушти до 7 Целзиусови степени, а дневната ќе се искачи до 25 степени.

Од сабота следува период на променливо облачно и постудено време со повремени врнежи од дожд, а на повисоките планини со услови за снег. Повремено ќе дува засилен северен ветер, а дневните темпратури позначително ќе опаднат.


Сончево време со мала облачност


Скопје, 18 октомври, 2018 - 9:13 (META) 

Времето во Македонија ќе биде сончево со мала облачност и слаб југоисточен ветер, е прогнозата на Управата за хидрометеоролошки работи (УХМР).

Утринската температура се движи од 1 до 9 Целзиусови степени, додека дневната ќе изнесува меѓу 22 и 27 степени.

Во Скопје времето ќе биде претежно сончево. Утринската температура се спушти до 7 Целзиусови степени, а дневната ќе се искачи до 25 степени.

До петок ќе се задржи стабилно и суво време со дневни температури над просекот за овој период од годината. Од сабота ќе започне да дува повремено засилен северен ветер, а од недела ќе преовладува променливо облачно, ветровито и постудено време со повремени врнежи од дожд.


Сончево време со умерен ветер и локална облачност


Скопје, 10 октомври, 2018 - 9:26 (META) 

Времето денеска ќе биде сончево со мала локална облачност и со слаб до умерен североисточен ветер. Утринската температура ќе се движи од нула до девет степени, а дневната температура од 17 до 26 Целзиусови степени. 

Во Скопје ќе биде сончево со мала локална облачност и со слаб до умерен североисточен ветер. 

Утринската температура ќе достигне до шест степени, а дневната температура ќе достигне до 24 Целзиусови степени. 

Од четврток повремено ќе има појава на мала до умерена облачност. Утрата ќе бидат малку постудени, а дневните температури ќе бидат без позначителни промени. 


Сончево време со слаб североисточен ветер


Скопје, 9 октомври, 2018 - 9:23 (META) 

Времето денеска ќе биде сончево, а во западните делови со мала до умерена облачност. Ќе дува слаб до умерен северoисточен ветер.

Утринската температура ќе се движи од два до 11, а дневната највисока температура на воздухот ќе се движи во интервалот од 21 до 27 Целзиусови степени.

Во Скопје ќе биде сончево со слаб до умерен североисточен ветер. Утринската температура ќе достигне до 10, а дневната температура до 25 Целзиусови степени.

И во наредните денови ќе преовладува сончево време со малку постудени утра, а дневните температури ќе бидат без позначителни промени


Променливо облачно со температура до 25 степени


Скопје, 3 октомври, 2018 - 9:23 (META) 

Времето денеска ќе биде променливо облачно, со зголемена облачност во јужните и западните делови.
Попладне и во ноќните часови ќе има слаби врнежи од дожд, претежно во југозападните и западните делови. Ќе дува слаб до умерен североисточен ветер. Минималните температури ќе се движат од 6 до 14, а максималните од 19 до 25 Целзиусови степени.

Во Скопје ќе биде променливо облачно, а во ноќните часови ќе има услови за слаб локален дожд. Ќе дува слаб до умерен североисточен ветер. Утринската температура ќе се спушти до 12, а дневната ќе се искачи до 23 степени.

Во наредните денови ќе преовладува променливо облачно и суво време со температури околу просекот за овој период од годината.


Сончево време со умерен североисточен ветер


Скопје, 27 септември, 2018 - 9:18 (META) 

Времето во Македонија ќе биде сончево со умерен, локално повремено и засилен североисточен ветер. Утрото ќе биде студено и ведро.

Утринската температура ќе се движи од минус четири до шест, а дневната од 14 до 24 Целзиусови степени.

Во Скопје, времето ќе биде сончево со умерен североисточен ветер. Утринската температура ќе се спушти до еден, а дневната ќе достигне до 21 Целзиусов степени.

До петок времето ќе биде стабилно, со ниски утрински температури кои наместа ќе се спуштат и под нулата. Преку денот ќе биде претежно сончево со пораст на дневните температури. Од сабота облачноста ќе се зголеми и во следните денови ќе има повремен локален дожд.


Претпладне сончево, попладне со северен ветер и пад на температурите


Скопје, 24 септември, 2018 - 9:23 (META) 

Во првата половина од денот времето ќе биде сончево и топло со умерен југозападен и западен ветер. Попладне, а особено кон крајот на денот ќе има зголемување на облачноста со услови за краткотраен дожд на северот и западот од земјава.

Уште попладнето, почнувајќи од север, ќе започне да дува силен северозападен ветер со брзина и од околу 90 километри на час, а тоа ќе услови нагло заладување.

Утринската температура ќе се движи од осум до 15, а дневната од 26 до 34 Целзиусови степени.

Во Скопје сончево со мала до умерена облачност, а попладне облачноста ќе се зголеми и ќе има услови за краткотраен дожд. Ќе дува силен северозападен ветер. Температурата ќе се движи од 14 до 30 Целзиусови степени.


Сончево време со северен ветер


Скопје, 12 септември, 2018 - 9:21 (META) 

Времето во Македонија денеска ќе биде сончево со мала до умерена облачност и умерен до засилен северен ветер поизразен на северот.

Утринската температура ќе се движи од осум до 19 степени, а дневната температура од 24 до 31 Целзиусови степени.

Во Скопје слично време со температура до 29 Целзиусови степени.

Во следните денови температурите ќе бидат во благ пораст, а во петок и за време на викендот повремено облачноста ќе се зголемува


Времето сончево со умерена облачност


Скопје, 10 септември, 2018 - 9:14 (META) 

Сончево време со мала до умерена облачност и со умерен до засилен северозападен ветер ќе преовладува денеска во Македонија. Во Повардарието ветерот ќе биде засилен.

Утринските температури ќе се движат од 8 до 19 Целзиусови степени, а дневните од 25 до 31 степени. УВ индексот ќе биде 7.

Во Скопје слично време со умерен северозападен ветер и температура од 15 до 29 Целзиусови степени.

Во следните денови следува период на претежно стабилно, суво и релативно топло време, но локално не е исклучена изолирана појава на краткотраен дожд. Температурата ќе има тенденција на благ пораст.


Сончево со мала до умерена локална облачност, со услови за дожд


Скопје, 7 септември, 2018 - 9:22 (META) 

Времето денеска ќе биде сончево со мала до умерена локална облачност со слаб до умерен северозападен ветер. Попладне во источните делови ќе има услови за краткотраен дожд.

Утре, сабота, не очекува сончево време со мала до умерена облачност. Попладне ќе има локален пороен дожд и грмежи.

Слично време се најавува за недела и понеделник.