Владите од регионот се обврзаа на поевтин роаминг и поголема дигитална поврзаност


Скопје, 19 април, 2018 - 22:48 (META) 

На крајот на дводневниот Дигитален самит на Западен Балкан, министерот за надворешни работи Никола Димитров и министерот за информатичко општество и администрација Дамјан Манчевски одржаа прес конференција на која ги пренесоа пораките и заклучоците кои произлегоа од првиот самит за дигиталната агенда на регионот.

Манчевски ги изнесе и конкретните заклучоци за кои се обврзаа сите земји од Западен Балкан.

– Ние сме подготвени да работиме и да ги искористиме можностите. Дадовме ветување дека ќе работиме на намалување на цените за роаминг во регионот и со ЕУ. Се обврзавме дека ќе го подобриме пристапот до широкопојасен интернет, како и да ја следиме имплементацијата на WiFi4EU во земјите членки на ЕУ за да бидеме подготвени за идно проширување во Западен Балкан. Изразивме подготвеност да работиме активно признавање на дигиталните сертификати, и олеснување на прекуграничните доверливи услуги. Заедно ќе работиме и на сајбер безбедноста и имплементација на директивата за мрежна и информациска безбедност. Договоривме креирање на политики за ИКТ образование и сертифицирање на сите групи на население, како и посветеност за подобрување на дигиталните вештини. Ќе ја зголемиме регионалната соработка и на полето на стартапи, а со размена на искуства ќе создаваме Технолошки паркови кои одговараат на критериумите поставени во ЕУ – рече Манчевски.

z7

Со панелот „Медиумите во дигиталната ера: Борбата против лажните вести“ заврши Самитот, еден најголемите регионални настани за оваа година, кој вчера и денеска се одржуваше во Скопје.

Модератор на оваа завршна сесија беше министерот за надворешни работи Никола Димитров.

Министерот задолжен за отчетност, транспарентност и комуникации, Роберт Поповски, се осврна на изминатиот период и ефектите од системската дистрибуција на лажни вести во нашата земја и рече дека Велес, за жал, станал синоним на лажните вести.

– Ние ќе се обидеме Велес да стане синоним на борбата со лажните вести не само во тој град, туку и во Македонија – рече Поповски.

Според него, Велес не ги измислил лажните вести, туку „луѓе од Велес добро заработиле креирајќи лажни вести кои влијаеле на изборите во една огромна држава“.

Поповски говореше и за слободата на медиумите и генерално за слободата на говорот во Македонија.

– Минатата власт ги злоупореби сите алатки за да искриви вистината, беа креирани медиуми кои пласираа лажни вести. Лагите беа драматични. Беше тешко да се тужи портал, измислија форма на кајрони во турските серии. Надаполнување на лагите беше и ширењето на говорт на омраза – составен дел на лагите. Омразата беше форсирана во медиумите. Кога дојдовме на власт на лагата и ја спротивставивме вистината. Претходната власт ги криеше информациите. ние сега ги објавуваме – рече Поповски.

Метју Џејкобс од Бирото за Европа и Евроазија со американскиот Стејт Департмент, и одговорен за борбата против лажните вести во оваа институција, го дефинираше феноменот на “лажни вести” како намерно поткопување на демократски процеси. Тој истакна дека решението мора да биде фокусирано на корисниците, а не автоматските процеси. Џејкобс заклучи дека владите генерално мора да се подобрат во дигиталната комуникација и дека координирана дигитална соработка е клучна во овој процес.

Новинарката и филмски продуцент во Би-Би-Си, Рејчел Рајт,  рече дека во оваа медиумска куќа постои цел оддел кој работи на проверка на фактите за осигурување дека информациите кои се пласираат се точни.

– Работата на новинарите е да бидат објективен филтер на случувањата околу нас, но феноменот “лажни вести” го поткопува овој процес – рече таа.

Ерик Брнс, комуникациски и медиумски стратег смета дека лажните вести се всушност еволуција на дезинформациите и дека „Фејсбук“ денес е главен извор на вести. Тој кажа дека еден фундаментален проблем во целата ситуација е тоа дека луѓето не можат да се согласат околу тоа што се всушност “факти”.

Паоло Чезарини од Европската Комисија на панелот изјави дека овој феномен на лажни вести е далеку поопсежен и подлабок отколку само брендирањето на самиот феномен и дека агендите зад овој феномен се политички и економски. Тој изјави дека лажните вести во голема мера влијаат не само врз новите медиуми, туку и врз традиционалните.

Новинарката Сашка Цветковска истакна дека секој ден се соочуваме со хиперпродукција на лажни вести и дека се работи за феномен кој се уште не го познаваме доволно. Најсташната последица од тоа е создавањето на недовреба – како меѓу новинарски колеги, така и од страна на граѓаните кон медиумите но и кон институциите.


Поповски: Ќе се обидеме Велес да стане синоним на борбата со лажните вести


Скопје, 19 април, 2018 - 16:03 (META) 

На панелот „Медиумите во дигиталната ера: Борбата против лажните вести“ на Дигиталниот самит кој денес завршува во Скопје, министерот за комуникации, отчетност и транспарентност, Роберт Поповски, рече дека Велес, за жал, станал синоним на лажните вести.

– Ние ќе се обидеме Велес да стане синоним на борбата со лажните вести не само во тој град, туку и во Македонија – рече Поповски.

Според него, Велес не ги измислил лажните вести, туку „луѓе од Велес добро заработиле креирајќи лажни вести кои влијаеле на изборите во една огромна држава“.

Поповски говореше и за слободата на медиумите и генерално за слободата на говорот во Македонија.

– Минатата власт ги злоупореби сите алатки за да искриви вистината, беа креирани медиуми кои пласираа лажни вести. Лагите беа драматични. Беше тешко да се тужи портал, измислија форма на кајрони во турските серии. Надаполнување на лагите беше и ширењето на говорт на омраза – составен дел на лагите. Омразата беше форсирана во медиумите. Кога дојдовме на власт на лагата и ја спротивставивме вистината. Претходната власт ги криеше информациите. ние сега ги објавуваме – рече Поповски.


Земјотрес вечерва близу Велес


Скопје, 12 јануари, 2018 - 20:04 (META) 

Земјотрес со интензитет од 4 степени според Европската макросеизмичка скала и магнитуда од 2,6 степени според Рихтер е почувствуван вечерва во Велес и околината, со епицентар близу селото Каратманово, извести Сеизмолошката опсерваторија при Природно-математичкиот факултет во Скопје.

Земјотресот се случил во 19.07 часот.


Тешко повредени тројца велешани откако на нив налетал автомобил


Велес, 1 јануари, 2018 - 13:32 (META) 

Во тешка сообраќајна несреќа што се случила ноќеска во 3.30 часот близу Градската библиотека во Велес, тешки телесни повреди задобиле тројца тинејџери, од кои двајца потоа се пренесени во Ургентниот центар во Скопје во животозагрозувачка состојба.

Како што извести СВР Велес, околу 03.30 часот на улицата „Алексо Демниевски“, Т.Т (33) од Велес изгубил контрола над автомобилот „фиат пунто“ со велешки таблички и удрил во К.К (19), Б.Д (18), Ф.К(18), кои во тој момент ја преминувале улицата, а потоа и во ѕид од камења.

Со возило на Итна медицинска помош во Општа болница Велес пренесени се К.К и Ф.К. Откако таму се констатирани тешки телесни повреди, тие се препратени во Клиничкиот Центар – Скопје и се наоѓаат во животна опасност.

Екипа на СВР Велес извршиле увид според инструкции од јавен обвинител, кој исто така издал наредби за прибирање на траги од местото на настанот и за вршење на анализа на крв и урина од возачот.


Пронајдени 18 револвери во стара куќа во Велес


Велес, 24 ноември, 2017 - 15:05 (META) 

Дури 18 стари револвери, за кои полицијата вели дека се произведени во 1938 година, биле пронајдени вчера, во стара куќа во Велес.

Според билтенот на МВР, околу 13.30 часот вчера, во СВР Велес било пријавено дека во куќа на улицата Максим Горки во Велес, сопственикот на куќата, И.Ѓ.(68), во еден од ѕидовите пронашол 18 револвери марка „нагантс“, калибар 7,62 милиметри.

Според полицијата, на старата куќа ѝ паднал покривот, по што сопственикот решил да врши делумна обнова и при работата биле пронајдени револверите.

СВР Велес изврши увид.


СДСМ прогласи победа во скопски Центар и во Аеродром, во Велес и во Битола


Скопје, 15 октомври, 2017 - 23:07 (META) 

Кандидатот за градоначалник на Велес од СДСМ, Аце Коцевски, прогласи победа на локалните избори, а според партиски извори, извесна е победата на СДСМ и во Битола, Берово, скопската општина Бутел, Валандово, Гевгелија, Делчево и во уште неколку помали општини.

Победа во првиот круг прогласи и Саша Богдановиќ, кандидатот за градоначалник на СДСМ во скопската општина Центар, кој рече дека ваквиот резултат бил очекуван.

Коцевски на прес-конференцијата изјави дека граѓаните на Велес го направиле вистинскиот избор и истакна дека со победата на овие избори е исправена историската неправда од претходните изборни циклуси, кога, како што рече, победата му била украдена.

– Изборите беа и поминаа. Ќе бидам градоначалник на сите граѓани и нема да правам никакви разлики по партиска или друга припадност на граѓаните – рече Коцевски.

На прес-конференцијата во седиштето на СДСМ, Ивана Туфегџиќ ги соопшти резултатите за дел од општините според податоците на партијата за повеќе од половина преброени гласови.

Според СДСМ, извесна е победата уште во првиот круг на нивниот кандидат за градоначалник во општина Аеродром, Златко Марин, кој, според досега преброените гласови, освоил 11.733 гласа, наспроти кандидатот на ВМРО-ДПМНЕ, Ивица Коневски, кој има 9.409 гласови.

Во Битола, според партиските податоци, СДСМ освоил 23.925 гласови, наспроти 13.170 на ВМРО-ДПМНЕ, додека во скопски  Бутел СДСМ досега има 7.634 гласови, а ВМРО-ДПМНЕ 5.415 гласа.

Според СДСМ, партијата во Гевгелија досега освоила 6.826 гласови, а ВМРО-ДПМНЕ – 4.826.


Владата почнува со изработка регистар на население


Скопје, 26 септември, 2017 - 21:37 (META) 

Владата на Република Македонија на денешната редовна 29. седница, меѓу другите точки на дневниот ред, донела одлуки во врска со планираниот регистар на население, односно била усвоена информација за статусот на спроведување на проектот „Регистар на население“, за кој, како што се вели во владиното соопштение, се очекува во иднина дури и да го замени пописот.

Истовремено, Владата го задолжила Министерство за информатичко општество и администрација да спроведе активности за изработка на решение за регистарот до јули 2018 година.

Исто така, на предлог на Министерството за внатрешни работи, била усвоена информацијата за потребата од формирање меѓуресорска работна група за планот за реализација на препораките на групата високи експерти во врска со следењето на комуникациите.

„Заради вклучување и на научната јавност во конципирањето на идните чекори во спроведување на оваа сеопфатна реформа на законскиот и институционалниот систем за следење на комункациите, предвидена и во планот „3-6-9“, се предлага во сите постапки преземени од меѓуресорската работна група да учествуваат и претставници од научната и од стручната јавност – експерти од областа на кривичната постапка, Народниот правобранител, како и претставници на граѓански организации од оваа област и од областа на човековите права“, се вели во соопштението од Владата.

На денешната седница исто така било договорено до следната седница да се подготви предлог за краткорочни и за долгорочни решенија за фабриката за шински возила „Колска“ во Велес и за исплата на заостанатите плати на вработените во ова друштво во кое удел има и Владата на РМ.

На 29. седница на Владата е разгледана и усвоена и информацијата за финансирање на проектот за изградба на пречистителна станица за отпадни води за Градот Скопје.


„Си-ен-ен“: Велеc со лажни вести се подготвува за изборите во САД во 2020 година


Велес, 13 септември, 2017 - 16:46 (META) 

„Заспаниот крајречен град во Македонија е дом на десетици веб-страници кои објавуваат лажни приказни направени за да го привлечат вниманието на Американците. Секој клик додава пари на нивните банкарски сметки“, вели „Си-ен-ен“ во опширната приказна за младите велешани кои заработија многу пари, пишувајќи лажни вести во корист на претседателот на САД, Доналд Трамп, кога тој беше претседателски кандидат.

Еден од оние кои имаат ваква страница е 24-годишниот велешанец кој на „Си-ен-ен“ им се преставил како Михаил, а кој објавува политички приказни што често се засноваат на погрешни факти.

– Не ми е гајле што се лажни затоа што луѓето ги читаат. На 22 години заработував повеќе пари отколку што некој во Македонија може да заработи за целиот живот. Мојата главна цел е да подготвам страница каква што имав претходно, за следните претседателски избори во САД во 2020 година – вели Михаил.

Тој тврди дека заработувал 2.500 долари на ден од реклами на неговата веб-страница, додека просечната плата во Македонија е 426 долари.

За разлика од претходната, новата македонска влада, пишува „Си-ен-ен“, е многу критична на новата индустрија што се развива во Велес.

– Ние ќе преземеме иницијатива за глобално координиран напор за справување со лажни вести и, исто така, го охрабруваме нашето граѓанско општество да помогне во спречувањето на овој феномен преку создавање алатки за откривање лажни вести – изјавил портпаролот на Владата, Миле Бошњаковски.

Но, тие што се занимаваат со лажни вести сè уште имаат барем еден официјален поддржувач – градоначалникот на Велес, Славчо Чадиев, заклучува „Си-ен-ен“.

– Ако зборуваме реално, секој град сака популарност. Најважно е дека ниеден закон не е прекршен. Во политиката нема морал, нема неморал. Во политиката сè е дозволено – вели Чадиев.


Коџабашиев: На Зоран Заев и на политичарите на СДСМ не им е местото во Велес


Велес, 2 септември, 2017 - 16:25 (META) 

Велес е градот кој најмногу пропати од политиките на СДСМ, кои значеа затворање фабрики, технолошки вишоци и бркање луѓе на улица без работа, изјави денеска Ѓорѓи Коџабашиев од ВМРО-ДПМНЕ.

– СДСМ во Велес е синоним на поимите транзиција и криминална приватизација. На Зоран Заев и на политичарите на СДСМ не им е местото во Велес. СДСМ во Велес е синоним за грабеж, пустош на економијата и за уништување на цели семејства. Поради штетите што зад себе ги оставија, СДСМ и Заев никогаш не се добредојдени во Велес. Нема добредојде од Велес за Заев и за СДСМ затоа што оставија рекордни 16.912 луѓе без работа. Има голема разлика помеѓу политиките што ги водеше ВМРО-ДПМНЕ и политиките на СДСМ. Тоа велешани најдобро го знаат – вели Коџабашиев.

Според Коџабашиев, политиките на СДСМ треба да бидат политики на минатото.


Заев во Велес: Ја барам вашата поддршка за целосно да ја укинеме проклетата сиромаштија


Велес, 2 септември, 2017 - 15:34 (META) 

Премиерот Зоран Заев денеска во Велес соопшти дека кандидат за градоначалник на претстојните локални избори во оваа општина ќе биде Аце Коцевски и побара поддршка од граѓаните за централната заедно со локалната власт да работи на подобрување на економијата.

– Ја барам поддршката од граѓаните заедно со Владата на Република Македонија, со новите општини по локалните избори да работиме на економијата, за нови работни места и на целосно укинување на оваа проклета сиромаштија што ја зафатила цела оваа наша Македонија. Велес е еден од најтипичните примери на градови на заминување на младите луѓе, прво во Скопје, но, за жал, најголем дел надвор од државата. Јас сум убеден дека сите млади луѓе што заминале, и оние што сè уште се овде, а се без работа, гледаат добри перспективи овде во својата земја. Тоа е главната задача на новата Влада на Република Македонија – рече Заев.

Тој на велешани им ги објасни трите предложени закани во Собранието – за минимална плата, за стечајците и за укинување на радиодифузната такса.

Претседателот на Владата најави дека институциите почнуваат постапки за скратување на одредени процедури, но и за намалување на трошоците за живот преку укинување одредени давачки што повторно ќе значи повеќе пари кај граѓаните.

Заев истакна дека сите ресурси на државата ќе бидат насочени кон враќање на парите кај граѓаните и кон намалување на трошоците за секојдневно функционирање на семејствата.