!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Дваесет и седум повредени во автобуска несреќа кај Ваљево


Ваљево, 30 јули, 2017 - 10:20 (META) 

Дваесет и седум лице синоќа се повредени откако автобус се преврте во близина на српскиот град Ваљево, кај местото Ровни.

Како што јавуваат српските медиуми, автобуската несреќа се случила на патниот правец Ваљево – Бајина Башта, но засега не се знае што ја предизвикало.

Портпаролката на општата болница во Ваљево, Кристина Параментиќ, соопшти дека 27 лица биле донесени во болницата, а 14 од нив се задржани болничко лекување. Двајца од задржаните пациенти се наоѓаат на интензивна нега.

Другите повредени по укажаната медицинска помош биле пуштени на домашно лекување.

Сите повредени патници биле планинари од Крагуевац.


Во Србија рехабилитиран четничкиот командант Никола Калабиќ


Ваљево, 26 мај, 2017 - 13:56 (META) 

Вишиот суд во српскиот град Ваљево донесе одлука за прифаќање на барањето за рехабилитација на некогашниот четнички командант Никола Калабиќ. Со решението за рехабилитација, судот практично ги поништи сите претходни одлуки на државниот комисии и судот и нивните правни последици, па Никола Калабиќ сега како рехабилитиран се прогласува и за неосудуван.

Калабиќ во текот на Втората светска војна беше еден од најистакнатите четнички команданти и се смета за одговорен за повеќе масакри извршени од припадниците на Корпусот на горската гарда во космајскиот, смедеревскиот и аранѓеловачкиот регион во текот на втората половина на 1943 и првата половина на 1944 година.

Според сега прифатената верзија, Калабиќ по Втората светска војна бил заробен од ОЗНА и прифатил да соработува во операцијата за четничкиот водач Драгољуб Дража Михајловиќ.

Постапката пред Вишиот суд во Ваљево траеше пет години, а барањето за рехабилитација го поднесе внуката на Калабиќ.

Решението за рехабилитација е првостепено, а Вишиот обвинител најави тужба, со што ќе треба да се чека на одлуката на повисоката судска инстанца, која може да ја потврди или да ја поништи рехабилитацијата.