Скелето стои со месеци, фасадата на „Цветан Димов“ во Чаир сè уште не е завршена


Скопје, 4 февруари, 2019 - 15:06 (META) 

Проектот на Град Скопје за реконструкција на фасадите во средните училишта во Скопје заглави во средното училиште „Цветан Димов”, бидејќи скелето е поставено уште во октомври, но досега ниту еден работник не се појавил да започне со работа, известува „Порталб“.

Информацијата ја потврдува директорот на училиштето, Висар Дураку, кој вели дека нема сознанија зошто работите не се започнати.

– Скелето за реновирање на фасадата е поставено уште во октомври, но досега не е извршена никаква работа. Инвеститор на проектот е Градот Скопје, и не знаеме каде е заглавена постапката – изјави Дураку за „Порталб“.

Од Град Скопје информираат дека работите не се започнати поради временските услови.

-Според нашите информации, работите не се започнати поради несоодветни атмосферски услови – вели портпаролот на Град Скопје, Валон Салиу.

Родителите се жалат, истакнувајќи дека важните проекти секогаш се занемаруваат и не им се посветува должно внимание.

-Ова не е новост, навикнати сме  веќе. Проекти без никаква вредност непотребно се реализираат веднаш, додека важните се занемаруваат. Срамно е училиштето да се остави во оваа состојба, а потоа да се жалат на енормни трошоци за електрична енергија. Па ако објектот не е изолиран, нормално е трошоците да бидат поголеми. Погледнете го училиштето, воопшто нема фасада.  Апелираме, на проектите за подобрување на условите во училиштата во кои учи иднината на земјата, да им се посвети поголемо внимание наместо да се даваат празни ветувања а да не прави ништо. Што чекаат? Нови избори?  – велат родителите.


Кривична пријава за 28-годишен скопјанец за убиството на улицата Џон Кенеди


Скопје, 12 февруари, 2018 - 12:14 (META) 

СВР Скопје соопшти дека во соработка со Основното јавно обвинителство во Скопје, денеска поднел кривична пријава против О.А. (28) од Скопје, кого го сомничи дека е убиецот што на 20 декември лани на автобуска постојка спроти гимназијата „Цветан Димов“ на улицата Џон Кенеди го застрела со автоматска пушка 24-годишниот скопјанец Б.И., кој им подлегна на повредите.

Убиецот е во бегство и по него е распишана потерница.

Пред убиството, Б.И. бил договорен со тројца другари да се сретнат на автобуската постојка и откако се сретнале таму, по неколку минути на спротивната коловозна лента пред браварска работилница застанал црвен автомобил „југо“ од кое излегол О.А. со автоматска пушка во рацете. Потоа се стрчал кон групата и без никакво предупредување почнал да пука во правец на Б.И. кој од задобиените повреди паднал на земја крварејќи. Потоа убиецот влегол во „југото и заминал.

СВР Скопје информира дека во рамките на истрагата, неколку часа по убиството е пронајдено југото, а на 27 декември се извршени претреси во домот и други простории на О.А. и кај пет други лица од Скопје. Притоа се одземени два мобилни телефона, а тројца осомничени биле испитувани на детектор за лаги.


Приведени уште четири лица за убиството на 24-годишниот чаирчанец


Скопје, 27 декември, 2017 - 14:10 (META) 

Полицијата денеска извршила претреси и привела уште четири лица за убиството на 24-годишниот Б.И. кој беше застрелан на автобуска постојка на улицата „Џон Кенеди“ во Чаир пред една седмица, велат од МВР.

Во претходната ваква акција, ден по убиството, беа приведени три лица и беше пронајден автомобилот „југо“ во кој биле убијците.