!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Скопјанец загинал во пожар, кочанец се удавил во канал за наводнување


Скопје, 8 септември, 2017 - 12:22 (META) 

Две жртви на несреќи регистрирала полицијата во изминатото деноноќие, од кои едната се случила во Скопје, а втората во Кочани.

Вчера, во 16.50 часот, во атарот на селото Грдовци, С.Ј.(42) од Кочани го пронашол својот татко  Д.Ј. (70) удавен во канал за наводнување. Смртта била констатирана од лекар од итна медицинска помош, а притоа не биле забележани видливи траги на насилство. Увид извршиле јавен обвинител и увидна екипа од Полициска станица Кочани,  по што по одобрение на обвинителот, телото на починатиот било предадено на семејството за погреб.

Денеска, околу 3 часот, во стан на булеварот Јане Сандански во Скопје, од засега непознати причини избувнал пожар. При интервенцијата на пожарникарите, во станот бил пронајден починат Н.Н. (23). Смртта била констатирана од лекар од итна медицинска помош, а по наредба на јавен обвинител, телото на починатиот било предадено на обдукција.


Скопјанец се удавил во езерото Треска


Скопје, 6 септември, 2015 - 13:34 (META) 

Педесет и деветгодишен скопјанец вчера попладне се удавил во езерото Треска, соопшти полицијата.

Како што информираат оттаму, вчера околу 12.45 часот, во скопската полиција било пријавено дека во водите на езерото Треска се удавило непознато машко лице.

Полициските екипи кои излегле на терен и извршиле увид, го идентификувале удавеното лице, односно утврдиле дека станува збор за Уран С.(59) од Скопје.

По наредба на jавен обвинител, телото на починатиот било предадено на семејството, за погреб.