Притвор за тренер по стрелаштво во Кавадарци за полов напад


Кавадарци, 1 април, 2017 - 11:35 (META) 

Притвор од триесет дена за тренер по стрелаштво изрече надлежниот Основен суд од Велес, поради полов напад врз тринаесетгодишна ученичка од Кавадарци. 

Според СВР Велес, станува збор за 67-годишниот Б.П. кој бил тренер на девојчето. 

– Според пријавителите, повеќепати во последните три месеци вршел обљуба врз ученичката, а последен пат во средата дента околу 18 часот – информираат од СВР Велес. 

Оттаму додаваат дека случајот е документиран во полициската станица во Кавадарци и е доставен до Основно јавно обвинителство Кавадарци.


Тренер од Кавадарци доби кривична пријава за сексуален напад на 13-годишно девојче


Кавадарци, 31 март, 2017 - 13:38 (META) 

Тренер на стрелечки клуб од Кавадарци доби кривична пријава од полицијата за педофилија, односно за полов напад врз дете кое не наполнило 14 години.

Според МВР, Б.П. (68) од Кавадарци, во период од околу три месеци, во просториите на стрелечки клуб лоциран во гимназијата „Добри Даскалов“, како тренер повеќепати вршел полови дејствија над тринаесетгодишно девојче.

Судија на претходна постапка на пријавениот му одредил мерка притвор во траење од 30 дена.


Мурињо и Манчестер јунајтед постигнаа договор


Манчестер, 26 мај, 2016 - 20:45 (META) 

Жозе Мурињо и Манчестер јунајтед, по тридневни преговори, денеска постигнале договор португалецот да биде нов тренер на славниот тим од „Олд Трафорд“, јавува „Би-би-си“.

Преговорите, кои ги водеа агентот на Мурињо, Хорхе Мендес и претставници на раководството на Манчестер јунајтед се завршени, но засега не е потпишан официјален договор.

Именувањето на Мурињо за нов тренер на клубот се очекува официјално да биде соопштено утре.

Португалскиот стратег доаѓа на местото на холанѓанецот Луис ван Гал, кој во понеделникот, оваа недела доби отказ, два дена по триумфот на Манчестер јунајтед во ФА купот.


Мурињо не е повеќе тренер на Челси


Лондон, 17 декември, 2015 - 17:11 (META) 

Жозе Мурињо повеќе не е е тренер на Челси, откако денеска бил разрешен од функцијата, јавува „Би-Би-Си“.

„Фудбалскиот клуб Челси и Жозе Мурињо денеска се збогуваа со заемна согласност. Сите од Челси му се благодарни на Жозе за неговиот извонреден придонес по неговото враќање во клубот, летото 2013 година“, било наведено во соопштението од лондонските „сини“.

Раздлебата на Челси со Мурињо доаѓа седум месеци откако португалскиот стратег го однесе клубот до титулата во Премиер-лигата и го освои Лига-купот.

Сепак, во новата сезона Челси загуби девет од 16 мечеви во Премиер-лигата и е на 16. место на табелата. Последниот натпревар за Мурињо на кормилото на Челси беше во понеделникот, кога сега веќе неговиот поранешен тим загуби со 2 – 1 од Лечестер Сити, кој во моментов е прв на табелата во Премиер-лигата.

Како што пишува „Би-Би-Си“, сопственикот на Челси, Роман Абрамович, веќе е во потрага по нов тренер, а како можни наследници на Мурињо се споменуваат Пеп Гвардиола, Гус Хидинг, Брендан Роџерс и Хуан де Рамос.


Раперот Пи Диди уапсен поради напад на тренерот на неговиот син


Лос Анџелес, 23 јуни, 2015 - 11:51 (META) 

Американскиот рапер Пи Диди бил уапсен од полицијата во Калифорнија бидејќи со тег го нападнал тренерот на тимот по американски фудбал во кој настапува неговиот син.

Во инцидентот, кој се случил во тренинг-центарот на Универзитетот „Калифорнија“ во Лос Анџелес, за среќа немало посериозно повредени, а Пи Диди, чие вистинско име е Шон Комбс, бил пуштен од затворот откако била платена кауција.

Сепак, тој е обвинет за напад со смртоносно оружје.

Расправата, во која бил употребен тегот како оружје, се случила во канцеларијата на помошникот на тренерот на фудбалскиот тим на УКЛА.

Според медиумите, причина за инцидентот било тоа што помошникот на тренерот му викал на синот на Пи Диди, Џастин Комбс, за време на натпреварот на кој присуствувал и популарниот рапер.


Шервуд на клупата на Квинс парк ренџерс


Лондон, 10 февруари, 2015 - 15:58 (META) 

Лондонски Квинс парк ренџерс во следните 48 часа ќе потврди дека Тим Шервуд е новиот тренер на клубот. Шервуд немаше ангажман од август минатата година, откако беше отпуштен од Тотенхем.

Досегашниот тренер на Квинс парк ренџерс, Хари Реднап, минатиот вторник поднесе оставка, еден ден откако заврши преодниот рок.

Реднап најави дека го напушта клубот поради здравствени причини бидејќи мора да оди на операција на колена, а медиумите шпекулираат дека заминува поради несогласување со управата на клубот околу трансферите.

Освен Шервуд, кандидати за нов тренер на Квинс парк се Стив Мекларен од Дерби каунти и помошниот тренер на Реал Мадрид, Пол Келемент.


Влатко Костов, нов тренер на ФК Брегалница од Штип


Штип, 13 јануари, 2015 - 12:35 (META) 

Повратникот од Обединетите Арапски Емирати, штипјанецот Влатко Костов, е новиот тренер на ФК Брегалница. Костов беше промовиран на денешната прес-конференција во општината Штип, која се јавува како главен спонзор на клубот.

Костов најави консолидација на тимот во рамките на сегашните можности, со која ќе направи обид да ја помести Брегалница од претпоследното место на прволигашката табела. Новиот тренер на Брегалница изјави дека нема да се трошат пари на нови и скапи засилувања со играчи, но го здржува правото да повика во тимот играчи кои ќе се вклопат во рамките на буџетот на клубот.

И покрај тоа што Општината годишно одвојува по околу 300.000 евра, Брегалница и натаму останува на дното на табелата.


Навивачите на Ливерпул бараат од тренерот Роџерс да си оди


Ливерпул, 4 ноември, 2014 - 10:21 (META) 

Навивачите на Ливерпул имаат намера јавно да го искажат незадоволството од резултатите на „црвените“ и од тренерот на тимот, Брендан Роџерс, па планираат за натпреварот против Челзи, овој викенд, да изнајмат авион на кој ќе биде закачен транспарент со натпис „Роџерс оди си“.

На Роџерс му се префрла тоа што потрошил 215 милиони фунти за засилувања во претходните четири преодни рока, а нема никакви резултати.

Евентуланиот пораз вечерва, на тешкото гостување против Реал Мадрид, дополнително ќе го зголеми притисокот врз тренерот на Ливерпул.


Реал сосиедад му даде отказ на тренерот


Сан Себастијан, 3 ноември, 2014 - 15:09 (META) 

Шпанскиот прволигаш Реал сосиедад и официјално соопшти дека Јагоба Арасате повеќе не е прв тренер на тимот. Клубот од Баскија бележи исклучително лош почеток на новата сезона во шпанската лига Примера, но очигледно последниот домашен пораз од екипата на Малага ги натера раководните луѓе да размислуваат за промени.
Реал сосиедад се наоѓа на 19. место на првенствената табела со освоени само шест поени по 10 одиграни кола, што доволно говори во каква ситуација се наоѓа тимот од Сан Себастијан.