!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Создадени првите ембриони од човечки и од животински клетки


Ла Џола, 27 јануари, 2017 - 19:43 (META) 

Научниците успеале да создадат ембриони кои се комбинација од човечки и од свински матични клетки, што е првиот чекор кон развојот на човечки органи за трансплантација во телата на животните. Набргу ембрионите биле уништени, објави институтот од САД што го спровел експериментот.

Истражувањето уште во првата фаза течело многу потешко отколку што се претпоставувало, се вели во статијата во научното списание „Сел“.

– Крајната цела е да се одгледаат функционални човечки органи за трансплантација на срце, бели дробови, бубрези, но ние сме многу далеку од тоа – објаснува водечкиот автор на истражувањето, Хуан Карлос Исписуа Белмонте, професор на Институтот за биолошки студии „Салк“ од Калифорнија, САД.

Ембрионите се уништени пред да може да се роди комбинација на човек и на животно, што во научните кругови се нарекува „химера“, според митолошкото суштество. Сè почнало така што научниците всадиле матични клетки на возрасни луѓе во свински ембриони и дозволиле тие да се развиваат четири седмици. Пред уништувањето на ембрионите, во нивните мускулни ткива почнале да се создаваат човечки клетки.

Истражувањето траело четири години, а биле употребени 1.500 свински ембриони.

 


Во Македонија направена 101. трансплантација на бубрег


Скопје, 13 февруари, 2015 - 14:18 (META) 

На Клиниката за урологија во Скопје, денеска беше извршена 101. трансплантација на бубрег од жив донатор. Шеесет и осумгодишна баба даруваше бубрег на 24-годишниот внук.

Сто трансплантации на бубрези се направени на Клиниката за урологија од 22 март 2012 година до 6 февруари годинава. Тоа е еден од најголемите успеси во историјата на Клиниката, а најголем успех во историјата на трансплантологијата на бубрези во Македонија, која датира од 1977 година, кога првпат е извршена трансплантација во таа јавна здравствена установа.

– Стотата трансплантација беше направена минатиот петок. Пациентите се чувстуваат добро. Тоа беше трансплантација од жив донатор, мајка даруваше бубрег на својот син. Не сакам да претерам, ама мислам дека тоа беше речиси идеална транспланатација бидејќи беше преемтивна, односно пациентот што го прими бубрегот уште не беше почнал со дијализа. И двајцата се чувстуваат добро,и за еден-два дена ќе заминат на домашно лекување – вели д-р Сашо Дохчев.

 


Македонија на деветто место според трансплантација на бубрези од жив донор


Скопје, 28 ноември, 2014 - 14:12 (META) 

На деветтото место на светско ниво во однос на трансплантација на бубрези од жив донатор се најде Република Македонија, според последниот извештај на Интернационалниот регистар на донирање органи.

Во истражувањето  се вклучени  71 земја од целиот свет,  а Македонија е зад Турција, Холандија, Кипар, Либан, Исланд, Северна Кореjа и за Иран.

Се работи за трансплантација од сроден донатор, односно од фамилија, според законските одредби.