!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Сообраќајот се одвива во зимски услови, забрани за камиони и блокирани патишта


Скопје, 16 јануари, 2017 - 9:56 (META) 

Поради врнежите од снег, забрана за сообраќај за тешки товарни возила е воведена на планинските превои Плетвар, Стража, Пресека и на патниот правец од Маврово кон Дебар и обратно, а патниот правец Македонски Брод – село Здуње, на кој гравитираат 11 села, не е прооден за секаков вид возила, соопшти утрово Автомото-сојузот на Македонија (АМСМ).

Сообраќајот на државните патишта се одвива во зимски услови, по влажни коловози со остатоци од снег на коловозот.

Од АМСМ информираат дека снег со слаб интензитет провејува на Попова Шапка, Маврово, Стража, Кичево, Македонски Брод, Железнец, Буково, Ресен, Ѓавато, Битола, Прилеп, Плетвар, Гевгелија, Удово, Демир Капија, Неготино, Велес и во Кула.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата (оваа информација се однесува само за македонската страна на премините).

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.


Забраната за товарни возила за влез во Грција сè уште важи


Скопје, 12 јануари, 2017 - 10:04 (META) 

Сообраќајот на државните патишта се одвива во зимски услови, по влажни коловози, на места со остатоци од снег, информираат од Автомото-сојузот на Македонија.

Забрана за сообраќај на тешки товарни возила има на планинскиот премин Пресека, како и на патниoт правец Маврово – Дебар, каде за другите возила задолжително е користење на зимска опрема.

Поради лошите временски услови и состојбата на патиштата, не се дозволува влез на товарни возила и на автобуси во Грција.

Во клисурите и во засеците можна е појава на помали одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Д.Капија – Удово, Катланово – Велес, Крушево – Демир Хисар и Ресен – Буково.


АМСМ: Забрана за тешки товарни возила на Стража, Маврово и на патот Тетово – Попова Шапка


Скопје, 16 јануари, 2016 - 10:15 (META) 

На планинските превои Стража и Маврово превентивно се воведува забрана за тешки товарни возила, а забрана за тешки товарни возила и за автобуси е воведена на патниот правец Тетово – Попова Шапка, информираат од АМСМ.

АМСМ препорачува задолжително носење зимска опрема, исклучително внимателно возење, прилагодена брзина на движење, почитување на поставената сообраќајна сигнализација и планирање на патувањето според временските услови.

Магла со видливост од 50 до 100 метри има кај Страцин, Тетово и на планинскиот премин Стража.

Особено внимание е потребно на делниците што минуваат низ клисурите и низ засеците, како и на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево, Виница – Берово, каде е можна почеста појава на одрони.


АМСМ: Забрана за тешки товарни возила на патот Охрид – Ресен


Скопје, 13 јануари, 2016 - 13:14 (META) 

Сообраќајот на сите државни патишта се одвива по претежно влажни коловози, а поради интензивни врнежи од снег, воведена е забрана за сообраќај на тешки товарни возила на патниот правец Охрид – Ресен преку планинскиот премин Буково, информираат од АМСМ.

Забраните за движење на тешки товарни возила на патните правци Гостивар – Кичево и крак Маврово – Дебар, кои беа воведени поради интензивни врнежи од снег, се укинати.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Особено внимание е потребно на делниците што минуваат низ клисурите и низ засеците, како и на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево, Виница – Берово каде е можна почеста појава на одрони.


Тргната забраната за товарни возила на Стража


Скопје, 4 јануари, 2016 - 9:57 (META) 

Денеска сообраќајот на сите државни патишта се одвива без забрани и застои, по влажни коловози. Од 7.30 часот се укинуваат забраните за тешки товарни возила на Стража, кракот кон Маврово и на Пресека.

Намалена видливост поради магла има во Битола и во Македонски Брод до 100 метри и на Плетвар до 50 метри. АМСМ препорачува внимателно возење, прилагодена брзина на движење и почитување на поставената сообраќајна сигнализација.

Особено внимание е потребно на делниците што минуваат низ клисурите и низ засеците, особено на патните правци Катланово – Велес, Маврово – Дебар – Струга, Гостивар – крак Маврово, Демир Капија – Удово, Кочани – Делчево и Виница – Берово, каде е можна почеста појава на одрони.


Скопската обиколница утре ќе биде отворена за сообраќај


Скопје, 20 септември, 2015 - 16:35 (META) 

Скопската обиколница утре ќе биде отворена за сообраќај, информираат од Автомото-сојузот на Македонија.

Обиколницата нема да се користи за снимање на филм поради најавените врнежи од дожд.

Тешките камиони и шлеперите ќе можат да го користат овој алтернативен пат и да ги растоварат патиштата што поминуваат низ градот.