Променливо облачно време, со дожд на југот


Скопје, 8 ноември, 2018 - 8:48 (META) 

Времето денеска ќе биде променливо облачно, а претпладне претежно во јужните и југозападните делови ќе има и локални врнежи од дожд, вели прогнозата на Управата за хидрометеоролошки работи.

Температурите ќе се движат меѓу 4 и 18 Целзиусови степени.

Во Скопје променливо облачно време, со температура од 5 до 17 Целзиусови степени.

Продолжува периодот на стабилно време со појава на утринска магла по одделни котлини. Дневната температура во наредните денови ќе биде малку над просекот за овој период од годината.


Времето денеска сончево со температура до 23 степени


Скопје, 5 ноември, 2018 - 9:33 (META) 

Времето во Македонија ќе биде сончево со умерена облачност и со слаб до умерен југоисточен ветер.

Дневната температура ќе се движи од 17 до 23 Целзиусови степени.

Во Скопје времето ќе биде слично, со највисока дневна температура од 22 Целзиусови степени.

Продолжува периодот на стабилно и суво време, освен в четврток, кога во западните делови ќе има локален слаб дожд. По одделни котлини ќе има услови за појава на утринска магла. Дневната температура ќе биде во постепено благо опаѓање.


Сончево со мала до умерена облачност


Скопје, 2 ноември, 2018 - 9:23 (META) 

Времето во Македонија ќе биде сончево со мала до умерена облачност. Ќе дува слаб до умерен југоисточен ветер, вели прогнозата на Управата за хидрометеоролошки работи (УХМР).

Дневната температура ќе се движи од 19 до 28 Целзиусови степени.

Во Скопје слично време, сончево со мала до умерена облачност и со слаб до умерен југоисточен ветер. Дневната температура ќе се искачи до 24 Целзиусови степени.

До сабота ќе се задржи стабилно, суво и релативно топло време, со температури кои ќе бидат над просекот за овој период од годината. По одделни котлини ќе има услови за појава на слаба утринска магла.

Од недела ќе се задржи стабилно време, но температурите постепено ќе опаѓаат.


Променливо облачно со локален дожд


Скопје, 30 октомври, 2018 - 9:02 (META) 

Времето во Македонија денеска ќе биде променливо облачно и в,етровито, попладне со локални врнежи од дожд кои во западните подрачја ќе имаат пороен карактер со услови за појава на грмежи. Ќе дува умерен до засилен јужен ветер, поради што ќе има транспорт на прашина од Африка и наместа појава на обоен дожд, вели прогнозата на Управата за хидрометеоролошки работи (УХМР).

Утринската температура се движи од 10 до 17 Целзиусови степени, а дневната ќе изнесува меѓу 17 и 24 степени.

Во Скопје слично време, променливо облачно, попладне со повремени врнежи од дожд, а ќе дува и умерен до засилен јужен ветер. Дневната температура ќе се искачи до 24 Целзиусови степени.

Од среда следува период на умерено облачно и топло време, со температури кои ќе бидат над просекот за овој период од годината.


Сончево и топло време денеска


Скопје, 17 октомври, 2018 - 9:17 (META) 

Времето денеска ќе биде сончево со мала облачност и слаб југоисточен ветер долж Повардарието и во Пелагонија.

Дневните температури ќе се движат од 19 до 28 Целзиусови степени, вели Управата за хидрометеоролошки работи (УХМР).

Стабилното и топло време ќе се задржи до недела, а од понеделник се најавува опаѓање на температурите за неколку степени, посилен ветер и врнежи од дожд.


Сончево со мала облачност на југот и температури до 28 степени


Скопје, 16 октомври, 2018 - 8:47 (META) 

Времето во Македонија денеска ќе биде сончево, со мала облачност во јужните делови. Ќе дува слаб источен ветер, вели временската прогноза на Управата за хидрометеоролошки работи (УХМР).

Утринската температура се движи од 2 до 10 Целзиусови степени, а дневната ќе изнесува меѓу 21 и 28 степени.

Во Скопје сончево време, со слаб ветер од североисточен правец.  Утринската темптература се спушти до 7 Целзиусови степени, а дневната ќе се искачи до 25 степени.

Продолжува периодот на претежно сончево и релативно топло време, со дневни температури малку над просекот за овој период од годината. Од четврток ќе има повремено зголемување на облачноста.


Денеска температурата до 28 степени, невообичаено топло за октомври


Скопје, 15 октомври, 2018 - 9:18 (META) 

Времето во Македонија денеска ќе биде сончево и релативно топло, во западните делови со мала до умерена облачност. Ќе дува слаб ветер од источен правец, вели прогнозата на Управата за хидрометеоролошки работи (УХМР).

Максималната температура ќе се движи од 21 до 28 Целзиусови степени, што е невообичаено топло за средината на октомври.

Во Скопје и околината времето ќе биде сончево, со дневна температура до 25 Целзиусови степени.

Во наредните денови продолжува период на претежно сончево и релативно топло време со дневни температури малку над просекот за овој период од годината. Извесно зголемување на облачноста ќе има од четврток.


Сончево и топло денеска


Скопје, 12 октомври, 2018 - 9:12 (META) 

Времето денеска ќе биде сончево, со мала до умерена облачност и со слаб до умерен североисточен ветер. Во североисточниот дел од земјава ветерот ќе се засилува и се очекува брзината на ветерот да достигнува до околу 40 километри на час.

Утринската температура се движеше од 1 до 7 Целзиусови степени, а дневната ќе изнесува меѓу 17 и 27 степени.

Во Скопје и околината слично време, со температура од 6 до 25 Целзиусови степени.

Во наредните денови ќе преовладува сончево време, со мала до умерена локална облачност. Утрата ќе бидат бидат малку постудени, а дневните температури без позначителни промени.

Од среда се очекува постепен постепен пад на температурата на воздухот.


Претпладне променливо облачно време, попладне со локален дожд


Скопје, 2 октомври, 2018 - 9:42 (META) 

Времето претпладне ќе биде променливо облачно, во југоисточните делови со локален дожд. Попладне облачноста ќе се намали. Ќе дува слаб до умерен ветер од западен и југозападен правец.

Утринската температура ќе се движи од осум до 16, а дневната највисока температура на воздухот ќе се движи во интервалот од 18 до 25 Целзисуови степени.

Во Скопје ќе биде умерено облачно со сончеви периоди и со слаб до умерен ветер од југозападен правец. Температурите ќе се движат од 12 до 24 Целзиусови степени.

Од вторник времето ќе биде претежно стабилно и релативно топло. Повеќе услови за локален дожд ќе има во среда и петок.


Времето денеска топло со температура до 32 степени


Скопје, 21 септември, 2018 - 9:31 (META) 

Времето во Македонија ќе биде сончево и релативно топло со мала до умерена облачност. Ќе дува слаб до умерен јужен ветер.

Утринската температура ќе се движи од пет до 14 степени, а дневната од 26 до 32 Целзиусови степени. УВ индексот ќе изнесува 6.

Во Скопје ќе биде сончево и топло со мала до умерена облачност. Ќе дува слаб до умерен променлив ветер. Температурата ќе се движи од 12 до 31 Целзиусов степен.