!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Убиен маж во пукање во Топанско Поле


Скопје, 25 ноември, 2017 - 8:11 (META) 

Во престрелка што се случила во 22.30 часот вчера, во населбата Топанско Поле, близу супермаркетот „Принц“, еден 35-годишник го загубил животот, а еден 52-годишник добил тешки повреди.

Во инцидентот на улицата Лазо Трповски, животот го загубил И.А од селото Блаце, а повредениот Љ.Ќ. живеел недалеку од местото на инцидентот, на улицата Дижонска. Тој е пренесен во Ургентниот центар со тешки повреди.

Како што за „Мета“ објаснија очевидци, полицијата при истрагата затворила големо подрачје околу местото на инцидентот и сообраќајот се пренасочувал.


Заев во Чаир побара поддршка за градоначалничкиот кандидат на ДУИ


Скопје, 20 октомври, 2017 - 21:06 (META) 

Претседателот на СДСМ и премиер, Зоран Заев, денеска пред граѓаните во населбата Топаанско Поле побара поддршка од граѓаните за Висар Ганиу, кандидат на ДУИ за градоначалник на Чаир, а на граѓаните им порача дека СДСМ стои зад секој проект на Ганиу, бидејќи сите проекти се за подобар живот.

Претходно Заев, Ганиу и новиот скопски градоначалник Петре Шилегов беа во населбата Тенеќе Маало, каде беше кажано дека тука ќе се гради новиот универзитет „Мајка Тереза“, за што веќе се одобрени пари од Буџетот на државата за 2018 година.

Со тоа Заев ја почна интензивната кампања на неговата партија да се помогне на коалициската ДУИ, чии шанси во претежно албанските општини во вториот круг на локалните избори се драстично намалени, откако БЕСА и Алијанса на Албанците објавија дека формираат предизборна коалиција.